Para a IX edición deste evento, organizado pola grupo A Rebolaxe coa colaboración do Concello de Cervo, hai programados Cantos de Taberna, un xantar popular e diferentes obradoiros; e xa pola noitiña terá lugar o Festival cos concertos de Xisco Feijóo, Tumba e Dálle e A Requinta da Laxeira
Cervo, 9 de abril de 2025. San Cibrao acollerá o sábado 12 de abril a IX Foliada Nordestía que encherá de música, bo ambiente e moita animación a vila cun programa completo e variado pensado para todos os públicos, que se desenvolverá na Praza dos Campos.
A cita está organizada por A Rebolaxe e conta coa colaboración do Concello de Cervo.
A rexedora, Dolores García Caramés, representantes da Deputación, e membros da asociación organizadora A Rebolaxe, presentaron o evento que arrincará ás 12:00 do mediodía con Cantos de Taberna polos diferentes locais de hostalería.
Xa ás 15:00 horas está previsto un xantar popular e pola tarde haberá un obradoiro de instrumentos a cargo de Xaneco, e moitas máis sorpresas.
Como broche de ouro da xornada, ás 21:30 horas dará comezo o Festival cos concertos de “Tumba e Dálle”, “Xisco Feijóo” e “A Requinta da Laxeira”.
Toda a información detallada está dispoñible nas redes sociais da IX Foliada Nordestía: https://www.facebook.com/foliadanordestia.
A alcaldesa quixo darlle os parabéns unha vez máis ao Grupo A Rebolaxe pola organización da Foliada “un evento que edición tras edición se foi convertendo nun referente cultural no noso concello e en toda a bisbarra como ponte que une tradición e identidade”. Xa que o noso folclore non é só música e baile e historia viva “por iso festivais como este son esenciais para recordarnos as nosas raíces, quen somos e de onde vimos; e que a cultura tradicional non é algo estático, senón que evoluciona e se reinventa grazas ao traballo de agrupacións como A Rebolaxe”.
Desde o Concello de Cervo convidan á veciñanza e ás persoas visitantes a gozar dunha xornada única na que a música, o baile e a diversión estarán garantidos .
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
