Foz, 14 de abril, 2025. A Asociacion civico-cultural A Ribeira de Foz na procura da defensa dos deiretos dos usuarios e propietarios das embarcacións con base e ubicados na zona portuaría de uso náutico-deportivo dos peiraos de Foz, desexa presentar unha queixa formal en relación co estado actual da canle e bocana para a saída e entrada do porto de Foz.
O motivo desta queixa é a falta de calado suficiente na canle de saída e entrada do porto en Foz de uso Mixto Pesqueiro – Náutico – Recreativo , especialmente durante a baixamar, o que impide que as embarcacións poidan entrar ou saír en condicións seguras e operativas. Esta situación está a causar importantes prexuízos tanto para os profesionais do mar e tamén de maneira directa á actividade náutica deportiva e de lecer, xerando serios prexuízos tanto para os usuarios coma para a propia sustentabilidade das infraestruturas portuarias e poñendo en risco tanto os bens como a seguridade das persoas.
“Desde a nosa asociación tamén consideramos que esta problemática é equivalente ou mesmo idéntica á recollida na bonificación establecida na Lei de Taxas Portuarias de 2025, na Tarifa X5 de embarcacións deportivas e de lecer, que di o seguinte”:
“Portos de Galicia aplicará unha bonificación do 50% ás contías dos conceptos A), B) e C), excepto na contía correspondente a embarcacións en seco, ás embarcacións que atraquen en peiraos ou embarcadoiros de titularidade de Portos de Galicia que estean xestionados directamente ou parcialmente por este organismo e que teñan calados inferiores a 1 metro en baixamar viva equinoccial (BMVE). Será requisito para a aplicación desta bonificación que o calado máximo da embarcación permita o seu atraque en condicións de seguridade nestas prazas con calado reducido.”
“Entendemos, polo tanto, que non só está a producirse unha discriminación á hora de garantir a seguridade para as embarcacións no acceso e saida do peirao, senón tamén un incumprimento dos principios de xestión equitativa e racional dos recursos públicos, tendo en conta que a problemática do calado está recoñecida pola propia administración na súa normativa”.
“Tamén entendemos que, do mesmo xeito que se aplica unha bonificación a prazas de atraque con calado inferior a 1 metro, tamén debe aplicarse nos casos como o do porto de Foz nos que o calado insuficiente da súa canle de aceso e bocana, impide directamente a entrada e saída das embarcacións durante a baixamar. A imposibilidade de acceder ou sair do peirao constitúe, na práctica, a mesma condición de inoperatividade que xustifica a aplicación da bonificación mencionada”.
“Facendo un símil é o mesmo que estar pagando o aluguer dun garaxe do que non podas sair nin entrar por ter a porta pechada durante varias horas do día”.
“Por todo isto, solicitamos á Valedora do Pobo que inste aos organismos competentes a”:
1. Adoptar medidas urxentes, como o dragado da canle de saída, que permitan garantir a operatividade do porto durante todo o ciclo de mareas.
2. Namentres que non se faga un dragado, aplicar a bonificación do 50% recollida na tarifa X5 ás embarcacións afectadas por esta situación no porto de Foz.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
