A iniciativa, que continúa mañá na Casa da Xuventude, combina creación musical e escrita nun proxecto colaborativo
Burela, 15 de abril de 2025. A Casa da Xuventude de Burela acolleu hoxe a primeira xornada do Obradoiro de Produción Musical impartido por Nuno Pico, coñecido artisticamente como Grande Amore, unha actividade dirixida a mozos e mozas de entre 15 e 30 anos. O obradoiro, que se desenvolve de forma gratuíta, continuará mañá mércores no mesmo horario, de 10:00 a 13:00 horas.
Desde a área de Mocidade do Concello destacan a excelente acollida da iniciativa e agradecen a participación da rapazada, así como o compromiso total de Nuno Pico coa actividade.
“Estamos moi compracidos de ver o nivel de implicación de Nuno Pico, de Grande Amore, porque a actividade se desenvolva da mellor maneira posible e de coidar o resultado que se poida obter da mesma”, sinala Mario Pillado, tenente da alcaldesa.
O obradoiro está centrado na creación dun tema musical baseado nos textos creados polos propios participantes durante os Obradoiros de Escrita Creativa con Antía Yáñez, “convertendo así esta proposta nun proxecto colaborativo e creativo que pon en valor a visión da mocidade sobre Burela”, conclúe Pillado.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
