A prematura caída do goberno de Luís Montenegro o 11 de marzo, após perder una moción de confianza, obrigou o Presidente da República, Marcelo Rebelo, a adiantar eleccións lexislativas en Portugal para o 18 de maio, as segundas en pouco máis dun ano.
O motivo da caída de Montenegro foi a sospeita de conflito de intereses polos vencellos da empresa da súa muller e fillos, Spinumviva, co grupo de casinos Solverde, que se podería ver beneficiado polas decisións do Goberno. Dous apuntamentos que convén engadir para por contexto: Portugal é un país profundamente centralista onde (agás nas Azores e Madeira) case todo o importante pasa por Lisboa, e o señor Montenegro está casado en réxime de bens gananciais.
A acción de goberno do “revival” da Aliança Democrática (PSD e CDS-PP), sen ser especialmente brillante, non tiña unha mala valoración até a filtración desa información, produto dunha moción de censura (habitual en Portugal) que o Chega presentara contra Montenegro. As cifras de crecemento económico en 2024 foron do 1,9 %, a inflación do 2,4 % e o desemprego baixou a 6,4 %, o máis baixo dende 2011. Se ben hai problemas de poder adquisitivo na poboación, case todas as enquisas, até febreiro, daban unha vitoria da AD nunhas novas eleccións lexislativas.
Así e todo, o Partido Socialista (PS) xogou o papel de oposición responsable. En primeiro lugar, non bloqueou a aprobación do programa de Luís Montenegro para non coincidir con Chega en marzo de 2024. E, no outono, e pola mesma razón, abstívose para facilitar a aprobación dos Orzamentos de 2025. Pedro Nuno Santos, o seu líder, está na posición de ofrecer fiabilidade e diálogo ante o Chega, partido ante o que hai un cordón sanitario en Portugal que se cumpre.
Temos certezas para o 18 de maio? Realmente, non, todo está no aire. E mesmo as enquisas son contraditorias. O electorado desconfía das explicacións de Montenegro e cre maioritariamente que si houbo conflito de intereses (71,3 %, segundo enquisa para Correio da Manhã publicada o 12 de marzo). Pero, aínda máis, a Procuradoria Geral da República está nun proceso de indagación onde reclama documentación ao Primeiro Ministro. Aí está o principal problema da AD: a teima por presentar un candidato que, en calquera momento, pode pasar ao estatuto xurídico de arguido (sospeitoso), co consecuente custo político. As enquisas reflicten esta situación e, na última semana, dan unha vitoria pola mínima ao PS de Pedro Nuno Santos, mais cunha volatilidade máxima e por debaixo da marxe de erro técnico.
Hai outras tendencias xerais nesas enquisas que quero sinalar: Chega baixa, pero non tanto como indicaban hai pouco máis dun mes, o Livre gaña apoios e mantén unha pugna cos comunistas da CDU para liderar o espazo á esquerda do PS. A Iniciativa Liberal ten un comportamento demoscópico incerto, pero semella que manterá posicións. O Bloco de Esquerda baixaría e os animalistas do PAN subirían. O que si queda definido é que estaremos ante unha Assembleia da República sen maiorías absolutas e que Chega, malia os esforzos do Bloco Central (PSD e PS) por evitalo, será decisivo doutra volta.
Quizais hai quen ve na posible vitoria do PS un acto de xustiza poética: António Costa dimitiu por unha investigación xudicial da que foi exonerado por completo e sen ter que ir a xuízo. Daquela, Marcelo Rebelo forzou o adianto electoral aínda que os socialistas tiñan maioría absoluta (algúns din que por razóns ideolóxicas) e agora é posible que, polo mesmo criterio, o PS volva ao Palácio de São Bento. Veremos que acontece o 18 de maio.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
