Dominio absoluto das mariñás que vencen con facilidade a un Rubí con baixas importantes e xa prácticamente condenado ao descenso, a 13 puntos da salvación, antes de visitar Vista Alegre
Burela, 12 de abril, 2025. O conxunto feminino do Burela FS continúa cultivando vitorias na casa nesta xornada 26 na que se enfrontou ao conxunto catalán Lainco Rubí FS ás 16.00h en Vista Alegre. Encontro dominado de principio a fin polas locais, goleando e sentenciando matematicamente ao conxunto catalán ao descenso, aínda que xa se atopaba a 13 puntos da salvación antes de visitar Burela.
Arrinca o Burela con forza metendo o primeiro gol no minuto 2, unha boa combinación entre Dany, Antía Pérez e Débora que remata desde o segundo pau a xogadora portuguesa. Tres minutos despois chega o 2-0, Emilly métea nun rexeite tras un primeiro lanzamento de Patricia e outros tres minutos despois vólveo a facer, esta vez cun disparo cruzado desde a frontal que entra por toda a escuadra. Continúa o xogo practicamente os 20 minutos na área visitante, sucedéndose as ocasións do conxunto laranxa. No minuto 14, Sandra logra roubar un balón en cancha propia e chegar á portería burelense quedándose soa ante Ana Eliza e anotando o 3-1, pero logo chega o cuarto das Pícaras, un elegante gol de Patricia que recibe de Cilene e realiza un bonito caneo a Arantxa meténdoa desde a liña de penalti. Continúa o festival de goles no último minuto antes do descanso, cun de Débora que empuxa o balón cara a dentro da portería tras un pase cruzado de Patricia e o 5-2, a segundos do final desta primeira parte, nun rexeite desde a área.
Na segunda parte as mariñás saen con menos fol que na primeira parte, pero só durante os primeiros 10 minutos, deixando algunha ocasión ás catalás que se enfrontan a Caridad en portería durante todo este segundo tempo. No 31 Emilly anota o hat-trick tras unha boa parede con Patricia. Volve o Burela da primeira parte e tres minutos despois chega o 7-2, un golazo de Dinha que a coa entre a defensa catalá nun difícil disparo escorado e segundos despois o 8-2, con Cilene fusilando a portería de Aroa tras unha recuperación en cancha rival nun pase mal executado das visitantes. No 37, Dany anota o noveno rematando dende a liña de penalti un pase de Dinha e segundos despois Bet consegue o 9-3 rematando desde o segundo pau un pase de Arantxa. A un minuto do final Cris Lourés consegue o 10 rematando dende a área un pase de Débora case desde a liña de fondo.
Dominio absoluto do equipo local, nun partido no volvemos ver a Carolina Pedreira aproveitando xa algúns minutos en pista á vez que todas as xogadoras ás que Julio Delgado aproveitou a ampla rotación para gardarse para o partido do próximo xoves en Lugo, final de Copa Galicia, ás 12.00, ante o FSF Castro Bloques Cando.
Ficha Técnica Burela FS 10-3 Lainco Rubí FS
Burela FS (10): Ana Eliza; Dany (C), Antía Pérez, Noelia Montoro, Débora -quinteto inicial-, Cilene, Cami, Emilly, Cris Lourés, Patricia, Dinha, Carolina Pedreira, Caridad (P).
Lainco Rubí FS (3): Aroa; Lucía, Arantxa (C), Sandra, Aurora -quinteto inicial-, Ana Gil, Élida, Bet, Luna.
Goles: 1-0, min. 2: Débora. 2-0, min. 5: Emilly. 3-0, min. 8: Emilly. 3-1, min. 14: Sandra. 4-1, min. 17: Patricia. 5-1, min. 19: Débora. 5-2, min. 20: Lucía. 6-2, min. 31: Emilly. 7-2, min. 34: Dinha. 8-2, min.34: Cilene. 9-2, min. 37: Dany. 9-3, min. 37: Bet. 10-3, min. 39: Cris Lourés.
Árbitros: Iria de Luís Iglesia, Javier Menéndez Nistal, Gabriel Balea Martínez, Nicolás Vázquez Jato.
TA: Por parte do CD Burela FS, Caridad.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
