Licitou ademais dous proxectos para rehabilitar 10 quilómetros da LU-P-1106, que conecta Castro de Rei e Campo do Oso, na Pastoriza; e para a mellora do trazado de dúas curvas na LU-P-5501 que vai de Meira a Riotorto desde Riocabo ás Rodrigas
Lugo, 9 de maio de 2025. A Xunta de Goberno da Deputación de Lugo avanzou este venres na contratación de diferentes traballos de mellora e acondicionamento da nosa rede viaria provincial cun investimento da Deputación de preto de 6M€. Así o informou a Voceira socialista do Goberno provincial, Pilar García Porto, quen detallou que quedaron contratados os desbroces das estradas provinciais de 16 concellos da Mariña e da Terra Chá e se avanzou na contratación das obras de mellora de 12 estradas provinciais.
No que ten que ver coas rozas, a Deputación de Lugo adxudicou o desbroce das vías provinciais ao seu paso por 16 concellos da Mariña e da Terra Chá nun prezo de máis de 3,5M€ e cunha duración de dous anos, para o período 2025-2027. Son as zonas correspondentes a 4 lotes do contrato, as que afectan aos concellos do Vicedo, Viveiro e Ourol; Burela, Cervo, Foz, O Valadouro e Alfoz; Muras, Xermade e Vilalba; e Barreiros, Ribadeo, Trabada e Lourenzá:
“Como sabedes, ademais das obras, a conservación e os desbroces levan unha parte moi importante do investimento que destinamos a mobilidade. Este ano son máis de 27M€, máis do 21% do noso orzamento, para manter nas mellores condicións posibles os 4.217 quilómetros de vías na rede provincial”, argumentou García Porto.
Licitadas as obras na LU-P-1106 e na LU-P-5501
Ademais, a Deputación licita dous proxectos para mellorar as estradas provinciais. Un por 507.968,3€ que servirá para rehabilitar 10 quilómetros da LU-P-1106, que é a vía que conecta Castro de Rei e Campo do Oso, na Pastoriza, por Reigosa. Os traballos, que terán un prazo de execución de tres meses, consistirán na reapertura de cunetas, acometer unha canalización de formigón para a mellora da drenaxe ó inicio da estrada, pavimentación con aglomerado en quente e sinalización en tres tramos:
Do inicio da estrada, en Castro de Rei á altura da ponte sobre o río Azúmara ata o punto quilométrico 7,682 en Formarán, na parroquia de Pacios.
Medio quilómetro ao seu paso pola parroquia da Reigosa, xa no concello da Pastoriza, desde o punto quilométrico 9,5 ao 10.
E algo máis dun quilómetro, desde a rotonda na intersección coa LU-P-4401 á altura da Ermida, entre os puntos quilométricos 10,5 ao 11,74.
Por outra banda, a Xunta de Goberno licitou a mellora do trazado en dúas curvas na LU-P-5501, que vai de Meira a Riotorto, desde Riocabo ás Rodrigas. A Deputación actuará en dous puntos da vía á altura da parroquia de Ferreiravella, en Riotorto. Nunha curva situada no punto quilométrico 4,965 e outra a continuación, no 5,765.
Os traballos consistirán na execución do desmonte, a pavimentación e o balizamento correspondente. O prazo de execución será de 3 meses e o prezo de licitación de 63.215,24€.
Adxudicadas diferentes actuacións para a mellora de 10 vías
Este venres a Xunta de Goberno adxudicou ademais 7 proxectos para a mellora de 10 vías en diferentes concellos da provincia.
En Friol, a empresa Construcciones Leonardo Miguélez Sl encargarase da rehabilitación do firme dun tramo da LU-P-2105, que conecta o empalme de Prado con San Paio de Narla; e doutro da LU-P-2115, entre O Vento e Santa Marta, na parroquia de Vilalvite. As actuacións, cun prezo de 225.902,16€, inclúen a reapertura de cunetas, pavimentación con aglomerado en quente e reposición da sinalización nos dous primeiros quilómetros de ambas vías. O prazo de execución será dun mes e medio. García Porto valorou que “con estas obras facilitaremos o acceso a diferentes servizos públicos e recursos turísticos como a Fortaleza de San Paio de Narla”.
Entre Guntín e Monterroso, a empresa José No Mantiñán e Hijos Construcciones SA, será a encargada das obras de mellora dos preto de seis quilómetros da estrada LU-P-3303, que conecta a Nacional 547 en Montecalvo coa Nacional 640 en Valdeporrás, nun prezo de 132.937,75€ e un prazo de execución de dous meses. Os traballos afectarán á totalidade da vía -do seu inicio ao punto quilométrico 5,8- e consistirán na reapertura de cunetas, saneo da explanada e pavimentación.
En Palas de Rei a empresa Leonardo Miguélez SL acometerá as obras de mellora de diferentes tramos en tres estradas provinciais cun orzamento de 126.916,9€:
O último quilómetro e medio da LU-P-4006, que conecta a Vila de Palas con Quindimil, desde o punto quilométrico 2,630 ao 3,975.
Os 5,287 quilómetros da LU-P-4009, que é a estrada que vai de Ribeira á Rampla de Covelo por Vilaseños.
E case a totalidade da LU-P-4011, que une Palas desde o cemiterio con Tarrios, ademais do ramal a Bburdallos. En concreto, as obras afectan do punto quilométrico 0,3 ata o 2,098; e o ramal que son case 900 metros máis.
Nas tres estradas as actuacións consistirán na reapertura de cunetas, obras de drenaxe, reparación de desperfectos, repavimentación e sinalización vertical. E o prazo para acometer estas obras é de mes e medio desde o seu inicio.
A empresa Construcciones Isidro Otero SL encargarase da mellora do firme nos últimos 3 quilómetros da LU-P-5207, que une o núcleo urbano de Ribadeo con Vilela. O prezo das obras será de 283.828,07€ e afectarán ao tramo que vai desde Seixadelo, na parroquia de Ove, ao enlace coa LU-133 en Vilela; desde o quilómetro 3,400 ao 6,277. E consistirán na reapertura de cunetas, pavimentación con aglomerado e sinalización. O prazo de execución será de mes e medio unha vez iniciados os traballos.
Ademais, entre a Mariña e a Chaira a empresa José No Martiñan e Hijos Construcciones SA mellorará os últimos seis quilómetros da LU-P-3804 que vai de Belsar no concello de Ourol, á parroquia de Viveiró, en Muras. Cun prezo de 249.347,99€ e un prazo de execución dun mes desde o inicio das obras, os traballos consistirán na reapertura de cunetas, pavimentación con aglomerado e pintado da vía.
Obras y Saneamientos Galicia SL resultou adxudicataria das obras de mellora de 8 quilómetros de vía en Negueira de Muñiz. Cun orzamento de 301.661,92€ a Deputación rehabilitará boa parte da LU-P-3601, que vai desde Acebo na Fonsagrada, ata o núcleo de Negueira de Muñiz. As obras darán continuidade ás que acometemos recentemente ao inicio da vía e mellorarán desde o punto quilométrico 2,384 ao 10,250. Consistirán na reapertura de cunetas, execución dun espazo de paso para peóns 1,20 metros de ancho, pavimentación con aglomerado en quente e reposición da sinalización. As obras terán un prazo de 3 meses.“Esta estrada conta ao seu pé cun miradoiro e unha área recreativa, polo que esta actuación redundará na seguridade de visitantes e veciñanza”, valorou a Deputada.
Xa para finalizar o capítulo de estradas, na Pobra do Brollón adxudicouse a obra de mellora dos últimos oito quilómetros da LU-P-4702 á empresa Fevisa Vías y Obras SL nun prezo de 435.600€. Trátase da vía que une os lugares de Vilachá e Estación por Rozabales. Os traballos, que se realizarán do punto quilométrico 2,5 ao 10,8, terán un prazo de execución de mes e medio; consistirán na mellora da drenaxe, a pavimentación con aglomerado en quente e sinalización; e servirán para mellorar as comunicacións da veciñanza de Vilachá de Salvadur, Airexa e Salgueiros.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
