As XXXII Xornadas Técnicas estanse celebrando na Confraría de Pescadores de Burela dentro do programa de actividades da XX Feira Expomar
Burela, 8 de maio, 2025. Na apertura da 32ª edición das Xornadas Técnicas de Expomar participaron a presidenta da Fundación Expomar e alcaldesa de Burela, Carmela López, a directora xeral de Pesca, Acuicultura e Innovación Tecnolóxica da Consellería do Mar da Xunta de Galicia, Patricia García Sánchez, e o subdirector xeral de Caladoiro Nacional e Augas Comunitarias de Segepesca, Juan Manuel Elices; acompañados de Basilio Otero como patrón maior da Confraría de Pescadores de Burela, cuxo salón de actos acolle un ano máis a celebración deste evento.
Juan Manuel Elices puxo en valor o papel crave que o sector pesqueiro comunitario xoga no abastecemento alimentario da poboación europea, sendo provedor de proteína de alto valor biolóxico e baixa pegada de carbono, e creador de empeo e de riqueza na nosa sociedade.
Pola súa banda, Patricia García Sánchez, solicitou para Galicia, como rexión altamente dependente da pesca, un recoñecemento expreso por parte de Europa, a ter en conta por exemplo na repartición das posibilidades de pesca. Para a directora xeral de Pesca da Xunta de Galicia, a nivel económico e de emprego Galicia é unha das de maior dependencia da pesca en toda Europa, co 4,8% do seu PIB e sendo o cuarto sector en exportacións, do que dependen todos os concellos do litoral da comunidade.
Finalmente, a presidenta de Expomar, Carmela López, deu a benvida a todos os asistentes, fixo un repaso dos contidos que se van a tratar durante estes dous días e deu paso ao comezo da primeira Xornada, na que se tratou a xestión pesqueira e os principais retos do sector pesqueiro confrontando as diferentes visións nacional, europea, internacional e experiencial.
Abriu a sesión Despina Symons, directora da Oficina Europea para a Conservación e o Desenvolvemento EBCD, que ofreceu a perspectiva internacional e europea da pesca e o medio ambiente, expoñendo os diferentes retos e oportunidades.
A continuación, Daniel Voces, director de Europeche, analizou as prioridades do sector pesqueiro para o novo mandato da UE.
O subdirector xeral de Caladoiro Nacional e Augas Comunitarias de Segepesca, Juan Manuel Elices, expuxo os retos de futuro da xestión pesqueira en España.
E finalmente presentouse o punto de vista experiencial a cargo do armador local José Valle, coñecido como ‘Pepe do Caxoto’, que expuxo o seu punto de vista da situación actual da pesca.
Esta primeira xornada estivo moderada por María do Carme García Negro, investigadora ad honorem da Universidade de Santiago de Compostela.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
