Míriam Bermúdez: “Modernizamos Parques e Xardíns para atender todo o concello. Agora só coidan os arredores da Praza Maior mentres as parroquias están cheas de silvas”
Viveiro, 31 de maio, 2025. O Bloque Nacionalista Galego de Viveiro acusa ao actual goberno local de abandonar as parroquias no mantemento de camiños, zonas verdes e espazos públicos. A portavoz do BNG, Míriam Bermúdez, denunciou que “os desbroces chegan 10 veces máis ao centro que ao resto do concello”, convertendo o rural en territorio esquecido e sen atención.
“Despois de todo o que avanzamos, é incomprensible que as parroquias sigan sen desbrozar, mentres que no centro, repiten os mesmos traballos unha e outra vez”, lamenta Bermúdez.
Durante o mandato nacionalista, o servizo de Parques e Xardíns foi modernizado e reorganizado para atender todo o termo municipal, e non só o centro urbano. Entre as melloras impulsadas polo BNG destacan:
– Incorporación dun novo tractor desbrozador.
– Compra de novos desbrozadores e cortacéspedes.
– Engadido de biotrituradoras para tratar a biomasa.
– Mellora do punto limpo para xestionar os residuos vexetais xerados.
– Elaboración dun mapa de zonas a desbrozar, para optimizar os recursos e garantir que se chegue a todas as parroquias.
A formación nacionalista critica que, malia dispoñer de todos estes medios, o goberno local non sexa quen de manter limpas as parroquias. “Como é posible que agora Gueimunde non dea feito, se deixamos máis medios que nunca?”, pregúntase Bermúdez.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
