As mariñás pasan con comodidade, ante o Ourense Ontime, á fase final da competición que se disputará mañá á 13.30h.
Burela, 2 de maio, 2025. O conxunto feminino do Burela FS entróntase esta fin de semana á fase final da Copa da Raíña 2025, celebrada no Palacio dos Deportes de Cartagena do 2 ao 4 de maio e na que comeza enfrontándose, nun bonito derbi galego, ao Ourense Ontime, hoxe venres, ás 16.00h. Primeira parte dominada polas mariñás que chegan ao descanso cun 2-0 e segunda parte tamén cómoda para rematar levándose ou partido con soltura e facilidade.
Inicio de partido trepidante cuns minutos nos que o Burela arrinca desconcentrado pero no minuto 4 toma as rendas do encontro cunha primeira ocasión clara de Dinha cun disparo excesivamente cruzado que se vai pola liña de fondo preto do pau e salvaa Rafinha segundos despois, desviando outro tiro de Dinha, esta vez frontal, tras un boísimo pase de Emilly. Picaa Carolina Pedreira pero vaise por encima do traveseiro, no minuto 8 tras unha boa xogada individual pola banda. Chega o primeiro tanto no minuto 8, un golazo de Dany que a rouba case a media pista e métea xunto ao pau coándoa entre a defensa ourensá. Sálvaa Cami segundos despois nunha boa transición do conxunto de Carlos Navarro sacando o balón fóra nunha chegada de Ana Rivera a piques de encararse con Caridad. Paradón de Uxía que desvía coas mans un trallazo frontal de Emilly tras unha boa xogada grupal das burelanas. E chega o segundo das mariñás, un gol sorpresa tras un tempo morto pedido polo Ourense no 16, Dany pásaa moi escorada ao segundo pau onde Carolina remata de cabeza e métea por detrás de Uxía. Escápaselle a Débora o gol no 18, nun rexeite tras un disparo de Cami que detén a porteira ourensá que hoxe está traballando moito e ben. A 30 segundos do descanso Patricia ten unha última oportunidade que se vai rozando o pau nun bo disparo afastado.
Márchase pegadiña ao pau unha boa volea de Patricia no 23 e salva segundos despois Caridad, desviando co tacón un bo lanzamento afastado de Sara Soares. Chega o 3-0 no 24 nun cara a cara de Emilly con Sara Soares que vence a mellor xogadora do mundo que remata resolvendo Débora nunha situación de vantaxe de dúas ante a porteira ourensá. Sae Antía Pérez tras o gran susto sufrido recentemente na rodilla, lanzando dúas veces en 2 minutos a portería, sen a precisión suficiente para anotar. Enrócase o Burela a partir de agora non deixando ao rival chegar sequera a executar disparos próximos a portería. Case a mete Chiky que a lanza por encima da portería desde a área tras unha boa recuperación e pase de Alice. Cómodo o Burela continúa xerando ocasións e freando as varias saídas con porteira das ourensás. Desvíaa Caridad co pé a corner no 25 nunha saída de Sara Soares e pase a Alice que realiza un disparo cruzado frustrado pola porteira de Sanlúcar de Barrameda. Presionan as ourensás con xogo de 5 e Emilly aproveita unha recuperación para anotar o 4-0 que, a 2 minutos do final, deixa ás de Ourense sen moitas opcións. Volve desviar Caridad, que non permite unha, desviando coas mans por encima da portería un disparo directo de Ana Rivera que se dirixía directo á escuadra laranxa e outra vez recupéraa a 20 segundos do final, asistindo ao 5-0 cun pase de 10 a Patricia que mete a portería baleira cun disparo raso cruzado.
Mañá enfrontaranse na final ao gañador do último enfrontamento destes cuartos de final, un duelo entre o STV Roldán FSF e o Poio Pescamar FS, que se disputará ás 18.30h de hoxe e do que podería resultar outro derbi galego, outro Derbi dás Costas, para a semifinal desta Copa da Raíña 2025. Mañá o Burela xogarase o pase á final á 13.30h, encontro que se retransmitirá pola canle pública Teledeporte.
Ficha Técnica Burela FS 5-0 Ourense Ontime
Burela FS (5): Caridad; Dany, Dinha, Cilene, Cami -quinteto inicial-, Emilly, Noelia Montoro, Patricia, Carolina Pedreira, Débora, Antía Pérez.
Ourense Ontime (0): Uxía Rodríguez; Vero, Alice, Rafinha, Ana Rivera –cinco inicial-, Chiky, Raquelilla, Marta, Judith, Sara Soares (p)
Goles: 1-0, min. 8: Dany. 2-0, min.16: Carolina Pedreira. 3-0, min. 24: Débora. 4-0, min. 38: Emilly. 5-0, min.40: Patricia.
Árbitros: Mayra Araújo, Lidia Crespo Pardo, Marta Garvalena Crespo, Lucía Guillén Lahoz, Victoriano Bey Ruiz.
TA: por parte del Burela FS: Julio Delgado.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
