A vixésima edición da feira monográfica náutico-pesqueira Expomar inaugurouse esta tarde para converter o porto de Burela no punto de referencia do mundo do mar durante toda a semana
Burela, 7 de maio, 2025. O conselleiro de Mar da Xunta de Galicia, Alfonso Villares, inaugurou este mércores pola tarde unha nova edición da Feira monográfica náutico pesqueira Expomar, acompañado da presidenta da Fundación Expomar e alcaldesa de Burela, Carmela López, e de representantes de todas as entidades que forman o Padroado da Fundación Expomar.
Abriu o acto Pablo Rivera, responsable da área de promoción económica e social da Deputación de Lugo. A continuación, tomou a palabra o subdirector xeral de Caladoiro Nacional e Augas Comunitarias de Segepesca, Juan Manuel Elices, en representación da Secretaría Xeral de Pesca do Ministerio de Agricultura, Pesca e Alimentación.
A alcaldesa de Burela e presidenta da Fundación Expomar, Carmela López, puxo en valor a importancia deste evento non só para Burela, senón para todo o sector do mar, convidando a todos os asistentes a establecer boas relacións profesionais e persoais durante a feira, que se celebra nun escenario moi renovado e que convida ao networking entre os seus participantes.
Pola súa banda, o conselleiro de Mar da Xunta de Galicia, Alfonso Villares, felicitou a toda a familia Expomar por este 20 aniversario, poñendo en valor o bo traballo realizado para esta nova edición, pero lembrando tamén a todas as persoas que traballaron desde os comezos de Expomar para crear esta cita de gran interese para o sector e que volve poñer en valor os produtos do mar.
Expomar 2025 abre as súas portas de mércores a sábado en horario de mañá (de 10:30 a 14:30) e tarde (de 16:30 A 20:30); e aspira a superar as cifras dos últimos anos, con máis de 5.000 metros cadrados de exposición e 400 marcas de diferentes países representadas na feira.
Ata o sábado pola tarde sucederanse diferentes actividades dirixidas tanto aos profesionais do sector como a todos os visitantes, como o Encontro Empresarial ou as Xornadas Técnicas, que se poderán seguir por internet desde a páxina de www.expomar.com, que xoves e venres reunirán aos profesionais e entidades máis representativas do sector pesqueiro a nivel nacional e europeo, co futuro do sector pesqueiro a debate, abordando os principais retos e dificultades do momento na pesca.
O sábado ao mediodía celebrarase un espectacular ronqueo de peixe espada patrocinado por INTERFISH-España coa asistencia dos expertos de Matrice Tuna, que realizarán a arte do despezamento cunha técnica que combina a destreza, o respecto polo produto e o compromiso coa sustentabilidade.
A continuación celebrarase unha degustación de receitas de peixe espada ofrecida pola OPP Porto de Burela, que é unha das entidades que forman Interfish, única interprofesional pesqueira que existe en España para a representación e defensa das especies do palangre de superficie.
O venres pola tarde celébrase na zona de presentacións a xornada informativa: “Axudas e apoio do IGAPE para empresas galegas”, a cargo de Isaac Rosón Sánchez, director da área de Innovación do IGAPE.
E o sábado pola tarde terá lugar a presentación da “Rede de Turismo Pesqueiro de España”, da que a Fundación Expomar é unha das entidades promotoras, demostrando así a decidida aposta de Burela pola promoción do turismo mariñeiro, que inclúe a promoción e divulgación sobre as actividades da pesca e os seus oficios, con roteiros e propostas socioculturais, visitas a lonxas, barrios mariñeiros, portos, faros ou museos.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
