Os populares instan a Cajoto a convocar de xeito inmediato a Xunta de Seguridade Local, coa participación da subdelegada do Goberno e as forzas e corpos de seguridade do Estado
Foz, 20 de maio de 2025. O Partido Popular de Foz denuncia a preocupante deriva en materia de seguridade cidadá que está a vivir o municipio, con episodios de violencia nas rúas, actos vandálicos como pintadas e danos no mobiliario urbano, e unha sensación xeralizada de desorde e abandono que afecta tanto a veciños como a negocios locais. “Non se trata dunha mala racha nin dunha casualidade: estamos ante un dos momentos máis críticos en termos de seguridade que recordar o noso concello, froito dunha xestión nula por parte do alcalde”, sinala o voceiro do PP, Javier Castiñeira.
O voceiro popular acusa ao rexedor de actuar de forma illada, sen equipo e sen escoitar ás necesidades da veciñanza nin aos propios axentes da Policía Local. “Cajoto é o máximo responsable da seguridade en Foz, tanto como alcalde como xefe da Policía Local, e debe asumir esa responsabilidade de forma inmediata e sen máis escusas”, afirma Castiñeira.
Desde o PP instan a Cajoto a convocar de xeito inmediato a Xunta de Seguridade Local, coa participación da subdelegada do Goberno e as forzas e corpos de seguridade do Estado, co obxectivo de redobrar os esforzos e reforzar os efectivos antes de que a situación se volva irreversible.
“O pobo está sucio, descoidado e abandonado. A cidadanía vive con preocupación e medo, non só pola inseguridade, senón tamén polo caos nos servizos públicos, as obras sen sentido e unha mobilidade cada vez máis complicada. Foz precisa un goberno que actúa, non que desapareza”, conclúe o voceiro do PP focense.
Unha maneira divertida e creativa de reciclar mentres soñan con aventuras baixo o mar.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
