Xove, 20 de maio, 2025. O Concello de Xove vén de colaborar co CEIP Plurilingüe Pedro Caselles Rollán nun proxecto educativo relacionado coas festas tradicionais, que titularon “De festa en festa porque me presta”. Cada curso elixiu unha festa tradicional da contorna, na cal traballaron ao longo de todo o ano escolar 2024/25. As festas tradicionais elixidas foron:
4⁰ EI: San Antonio (A Rigueira).
5⁰ EI: Maruxaina (San Ciprián).
6⁰ EI: Queimada popular (Cervo).
1⁰ EP: San Xoán.
2⁰ EP: Feira do bonito (Burela).
3⁰ EP: San Lucas (Mondoñedo).
4⁰ EP (A-B): Festa do Carme.
5⁰ EP: Arde Lucus.
6⁰ EP: Mercado Medieval (Alfoz).
Neste punto, o Concello de Xove respondeu á solicitude de colaboración de 4º de Educación Infantil, que elixiu a romaría do San Antonio Ventureiro da Rigueira, declarada Festa de Interese Turístico de Galicia no ano 2023. A titora do curso solicitou documentación ó departamento de Investigación Social, que lle proporcionou a publicación editada polo Concello de Xove e a Xunta de Galicia no ano 2006, titulada: A festa no aire. Tradición e lecer no Xove de antes. Ademais de entregarlles dípticos informativos do proxecto de recuperación da romaría e das 8 rutas de romaxe. Completaron o traballo desde a clase cun intercambio interxeracional, solicitando a colaboración de catro avós e familiares maiores do alumnado, persoas veciñas da parroquia de A Rigueira, que compartiron con nenas e nenos os seus recordos e contestaron preguntas da festa do San Antonio Ventureiro.
Para rematar, solicitaron ó Concello de Xove colaboración para comprender a importancia social que tiña o San Antonio da Rigueira, e por que esta festa gozaba antigamente de tanta fama en todo o municipio e fóra del. A encomenda non foi doada, pois houbo que adaptar unha das posibles explicacións sociolóxicas de participación na festa a un público de moi curta idade. Así, a Socióloga do Concello creou un conto infantil narrado e apoiado con debuxos, que foi proxectado a todo o alumnado de Educación Infantil do CEIP Pedro Caselles, titulado: A Historia da miñoca Icía e Roi, o caracol. Antes da proxección do conto agasallóuselles aos nenos/as con cadanseu pano do San Antonio da Rigueira, aqueles panos cos que se identifica ás persoas que fan a romaxe o día 13 de xuño.
ENLACE Ó CONTO: https://we.tl/t-uEhv3je0P1
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
