Burela, 21 maio de 2025. Este mércores, traballadoras/es da sanidade e usuarios/as volveron mobilizarse no Hospital da Mariña logo da confiscación no día de onte da faixa artística, cunha pancarta negra que metaforicamente quere explicar que quen dirixe a nosa sanidade quere “negar a evidencia” e “invisibilizar” a situación crítica da sanidade da Mariña.
Desde hai xa moitas semanas, persoal e pacientes do Hospital da Mariña, en Burela, maniféstanse contra a falta de persoal e medios no centro e a conseguinte derivación de doentes a Lugo. Advirten da marcha de profesionais polas condicións de traballo “que non permiten unha axeitada atención” e mais pola inestabilidade laboral que provocan “contratos lixo”.
As mobilizacións reclaman, ademais, a mellora da sanidade pública en toda a comarca da Mariña e sinalan o SERGAS pola “infradotación” de varias categorías profesionais ou por casos concretos como a falta de técnicas auxiliares de Enfermaría no servizo de partos, de creación de prazas de técnicos e técnicas de Farmacia ou de persoal de fisioterapia en varios centros de saúde malia “existiren profesionais nas listas de contratación”.
Entre os carteis que o persoal e os pacientes luciron na mobilización deste martes puideron volver lerse mensaxes como “humanizar non é trasladar”, “derivar é maltratar”, “responsables dimisión” ou “a asistencia sanitaria non está garantida”. Ademais, volveron reclamar “área sanitaria propia”, ao entender que a supresión da da Mariña é parte principal dos problemas que agora denuncian.
Retirada dunha faixa artística
A obra, “metáfora da vulnerabilidade dos e das pacientes ante as demoras e falta de coidados”, foi pendurada onte pola mañá na varanda do hospital.
A equipa directiva do Hospital ordenou confiscar a pancarta artística que penduraran na varanda no edificio “Polo coidados das persoas doentes da Mariña”. Unha medida que definiron “como un acto de represión e de censura sen precedentes ” e aseguraron que a día de hoxe seguen “sen ter comunicación oficial por parte da Dirección do motivo e de onde se atopa a obra artística”.
Anuncian que continuarán con respostas contundentes contra unha decisión que consideran unha forma de “represión” dunha protesta lexítima que combina arte e denuncia. “A represión non calará as protestas de doentes e profesionais na defensa dunha sanidade pública digna e de proximidade, dende A Mariña e para A Mariña”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
