Denuncian o incumprimento da Lei de Riscos Laborais
Burela, 27 de xuño de 2025. Dende CIG SAÚDE A Mariña denuncian que “unha traballadora do Centro de Saúde de San Cibrao leva preto de dous anos agardando por un unha padiola regulable en altura, logo dun informe de Saúde Laboral, e que a día de hoxe non lle foi facilitada poñendo en risco a súa saúde”, sinalan.
CIG Saúde A Mariña levou o asunto ao Comité de Seguridade e Saúde Laboral en diversas ocasións sen unha resposta positiva por parte da Xerencia da Área Sanitaria.
MALA PLANIFICACIÓN DA XERENCIA DA ÁREA SANITARIA
“Nos últimos meses foron entregadas en diversos Centros de Saúde padiolas regulables, pero a Xerencia da Área Sanitaria non priorizou a súa instalación nas traballadoras con informes de saúde laboral, poñendo en risco a súa saúde”, explican.
A IMPORTANCIA DAS PADIOLAS REGULABLES NA PREVENCIÓN DE RISCOS LABORAIS
A central sindical resalta que unha parte importante dos accidentes laborais con baixa que sofren os profesionais están relacionados con sobreesforzos, principalmente lesiones dorso-lumbares e trastornos músculo-esqueléticos. “Estes tipos de doenzas son compatibles co uso de equipos de traballo pouco ergonómicos, como o son as padiolas non regulables en altura que se utilizan habitualmente, mentres que as que poden nivelarse son esenciais para mellorar as posturas de acceso á hora da exploración, a mobilización, a atención a pacientes que, na maioría de ocasións, require axuda dos profesionais”, subliñan.
SOLUCIÓN OU DENUNCIA EN INSPECCIÓN DE TRABALLO
“A Xerencia da Área Sanitaria incumpre a Lei de Riscos Laborais e fai omiso aos informes de Saúde Laboral, poñendo en risco a saúde da traballadora do Centro de Saúde de San Cibrao”, engaden, “polo que de non existir unha actuación inmediata que corrixa as situación verémonos na obriga de presentar denuncia na Inspección de Traballo”, conclúen.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
