Burela, 6 de xuño de 2025.- O Concello de Burela volve poñer en marcha este verán o seu programa municipal “Somos Verán”, unha iniciativa xa consolidada e dirixida a nenas e nenos empadroados no municipio que cursen Educación Infantil ou Primaria no curso escolar 2024-2025.
“Somos Verán 2025” desenvolverase nas instalacións do CEIP Os Castros en horario de mañá, de 9:00 a 13:30 horas, de luns a venres, entre o 1 de xullo e o 22 de agosto. O programa estrutúrase en catro quendas, cada unha con 75 prazas dispoñibles:
1ª quenda: do 1 ao 11 de xullo
2ª quenda: do 14 ao 24 de xullo
3ª quenda: do 28 de xullo ao 8 de agosto
4ª quenda: do 11 ao 22 de agosto
As familias interesadas poderán solicitar praza entre os días 9 e 11 de xuño, presentando a documentación necesaria presencialmente na oficina de Gaia ou enviándoa por correo electrónico ao enderezo gaia@burela.org. Será preciso achegar o certificado de convivencia que acredite que toda a unidade familiar está empadroada en Burela.
A listaxe provisional de persoas admitidas publicarase o 17 de xuño na web municipal (www.burela.org), abríndose despois un prazo de dous días naturais para posibles renuncias.
Como medida de inclusión, resérvanse 6 prazas por quenda para menores en situación de vulnerabilidade, sempre que esta se acredite cun informe dos Servizos Sociais municipais.
A concelleira de Cultura e responsable de Gaia de Burela, Lina Gómez, sinalou que “este programa ofrece ás crianzas un espazo de lecer seguro, educativo e enriquecedor”. O Concello de Burela reafirma así o seu compromiso e aposta por un lecer educativo, seguro e inclusivo para a infancia burelesa.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
