Cervo, 24 de xuño de 2025. Hai unha nova ferramenta para quen está farto de ver lixo no monte, vertidos nos ríos ou agresións ao noso mar e non poder facer nada. DenunciaPuercos é a nova app impulsada pola startup galega Masnostra (San Cibrao, Cervo) e o think tank europeo CEUS que permite denunciar, dende o móbil e con xeolocalización, calquera atentado ecolóxico. E facelo de forma anónima ou nominal, ao instante.
“Queremos que cada persoa sexa un vixiante da natureza. Que quen contamina, o pague. E que os veciños que limpan e se implican, reciban apoio económico e recoñecemento social”, declara Juan Carlos Piñeiro, director operativo de Masnostra.
A app que estará dispoñible o 10 de Xullo nas plataformas de descarga, e permite denunciar vertidos ilegais, puntos de lixo en espazos naturais, contaminación visual e outros delitos ambientais. Ademais, canaliza automaticamente as denuncias cara ás administracións competentes a través de CEUS, abrindo unha vía directa entre a cidadanía e o poder público.
Pero o proxecto vai máis alá. Con DenunciaPuercos tamén se organizan campañas de limpeza colaborativa, activando microdoazóns cidadás e patrocinios empresariais que se destinan integramente a financiar accións de limpeza, mantemento do servizo e compra de materiais tamén a compensación simbólica aos voluntarios.
“Se un vertido ilegal se mantén semanas sen limpar é porque falta vontade e ferramentas. Nós puxemos a tecnoloxía. Agora precisamos o apoio de empresas e institucións para facer isto grande. Este é un proxecto de país”, afirma Luís Rubal, presidente de CEUS.
O chamamento
DenunciaPuercos busca agora patrocinadores comprometidos co medio ambiente, tanto do sector privado como público. Precísanse mans, recursos e vontade para manter esta actividade e para facer de Galicia un exemplo mundial en vixilancia cidadá do medio natural.
“Non hai desculpas. Todos temos un móbil no peto. Agora tamén temos unha app que nos permite actuar. Non máis pasividade. Cada denuncia conta, cada euro suma, cada acción cambia o entorno”, remata Angel Pereiro CEO de Masnostra, tecnoloxía deseñada en Galicia con I+D+I galego e talento atlántico.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
