Ribadeo, 12 de xuño de 2025. Cruz Vermella vén de celebrar no municipio de Ribadeo unha emotiva xornada de convivencia, creatividade e agradecemento a través da inauguración da exposición artística “Pintando coas amizades”, protagonizada polos nenos e nenas participantes no proxecto “Éxito Escolar”.
A mostra recolle o traballo realizado durante varias semanas polos máis pequenos/as, coa coordinación e apoio do equipo de voluntariado da organización humanitaria, así como coa colaboración do Concello de Ribadeo. A iniciativa ten como obxectivo fomentar a expresión artística, a autoestima e o compañeirismo entre a infancia do programa.
Durante o acto de presentación, fíxose un especial recoñecemento á voluntaria Sole, promotora desta idea, pola súa implicación e ilusión en transmitir aos nenos e nenas o seu amor pola arte, así como á profesora Maica, da tenda O Bosque Animado, que impartiu un obradoiro de forma totalmente altruísta e no seu día libre.
Agradeceuse tamén o labor de todas as persoas voluntarias que cada martes e xoves acoden a ofrecer apoio educativo a menores, axudando non só cos deberes, senón tamén na creación dun espazo seguro, integrador e enriquecedor para toda a comunidade.
O acto contou cunha pequena merenda para compartir entre artistas, familias, voluntariado e representantes das entidades colaboradoras. Desde Cruz Vermella destacan que este tipo de actividades contribúen a fortalecer os vínculos comunitarios e a poñer en valor o talento e potencial da infancia.
“Estamos moi orgullosas do traballo das nosas pequenas e pequenos artistas. Sodes as verdadeiras estrelas deste día”, sinalaron as responsables do proxecto ao peche do acto.
A exposición “Pintando coas amizades” poderá visitarse nos próximos días no espazo habilitado no municipio, e desde Cruz Vermella anímase á veciñanza a achegarse a gozar das obras creadas con tanta ilusión.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
