A internacional murciana deixará de vestir a elástica laranxa logo de sumar unha Liga, unha Copa da Raíña, unha Supercopa y unha Copa Galicia
Burela, 14 de xuño, 2025. A internacional española Noelia Montoro pecha a súa etapa no Burela FS despois de dúas intensas tempadas nas que colaborou na conquista dunha Liga, unha Copa da Raíña, unha Supercopa e unha Copa Galicia. Na campaña recentemente finalizada disputou 32 encontros, entre liga regular e play off, anotando un total de 7 goles. Desde o club agradecémoslle todo o traballo desenvolvido durante estes dous cursos, o seu compromiso e a súa afabilidade e maneira de ser fose da pista. Así mesmo, desexámoslle toda a sorte do mundo nos próximos retos deportivos e persoais que afronte.
Noelia Montoro Susarte (Mula, 1997) arribou no verán de 2023 a Burela procedente do STV Roldán e coa bitola de ser xa internacional con España. Durante a súa etapa en terras mariñás converteuse nunha fixa nas convocatorias de Clàudia Pons demostrando ser unha á-peche moi sobria, contundente e que sabe ler moi ben o xogo en defensa, destacando tamén pola súa limpeza cando vai ao corte e a súa capacidade para impoñerse ás pívots máis determinantes do campionato.
A futbolista murciana quíxose despedir tamén do club e da afección:
“Ola, Familia Laranxa:
Veño despedirme despois destes dous anos en Burela. Quen me ía a dicir a min que ficharía por un dos mellores equipos do mundo e que gozariamos tanto xuntos gañando títulos e dando o mellor de nós alí en Vista Alegre. Voume moi feliz de estar neste club que me deu a oportunidade de ser profesional, de dedicarme a iso e de gozar do fútbol sala dunha maneira indescritible. Non hai palabras para describir todo o que fixestes por nós, afección. Dar as grazas ao club, ao corpo técnico, a todas as miñas compañeiras e a toda a afección laranxa, que nos estivo apoiando día tras día, e non só hoxe senón todos estes anos. Voume co corazón cheo de grandes momentos e de grandes recordos. Grazas Burela por estes dous anos, que foron incribles. Espero que nos volvamos a ver. Orgullo laranxa! Un bico”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
