Ribadeo, 4 de xuño, 2025. O grupo municipal do Bloque de Ribadeo quere recordar a toda a veciñanza que os datos que se fixeron públicos esta semana pertencen á Conta Xeral do ano 2024 e do ano 2023. Denuncia tamén “as mentiras desesperadas do equipo de goberno para intentar xustificar o seu despilfarro. Contra o relato interesado e parcial, remarca que o máis importante son os datos”.
O voceiro do BNG, Pablo Vizoso, explica que: “A comezos desta semana fixemos públicos os datos da Conta Xeral 2024 e os da 2023 (que xa estaban publicados) e que deixan en moi mal lugar o goberno do PP. Uns aforros case inexistentes e facturas pendentes que non paran de medrar ano a ano e que xa superan con creces os remanentes. Parece que mostrar a realidade económica non sentou moi ben dentro das filas populares e dedicáronse a enlodar e inventar cifras para defenderse. Din que o dato mata o relato e neste caso está todo moi claro. Podemos repetilo por se non se enteraron ou non se quixeron enterar: no ano 2022 o Concello declarou 1.661.441€ en remanentes, no ano 2023 a cifra xa baixou a 1.160.789€ e no 2024 pecharon con 224.753€. Unha redución de máis de 1.400.000€. Pola contra, as facturas pendentes pasaron de 269.783€ do ano 2022, a cifra xa se disparou até 636.627€ no ano 2023, para chegar até os 662.590€ deste ano”.
Vizoso rematou: “Hoxe adxuntamos os datos directos da Conta Xeral e da Liquidación dos Orzamentos para que non caiba dúbida, son datos asinados polo propio alcalde, non os inventamos nós. E non nos quedaremos aquí, ao longo desta semana faremos público o total de gastos en propaganda, en papatorias do alcalde e compañeiros, e outros conceptos moi “interesantes”. “
Volvemos pedirlle ao goberno municipal que deixe de mentir e de difamar e que comece a pensar como solucionar a grave situación na que se atopan. Son os únicos responsables, e os veciños e as veciñas de Ribadeo demandan solucións”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
