Os populares consideran que “en pleno 2025 non podemos estar sen cobertura e sen rede de fibra óptica”
Trabada, 6 de xuño de 2025. O Partido Popular impulsa unha acción coordinada para esixir explicacións sobre as medidas adoptadas polos gobernos no Concello e en España ante os problemas de conectividade no rural de Trabada.
Os populares advirten de prexuízos para a actividade diaria de veciños e empresas” e condenan “este illamento das zonas rurais e de montaña” que “dificulta o asentamento da poboación e o desenvolvemento da actividade económica”.
O portavoz municipal, José María Fernández, considera que “a cobertura de telefonía e a rede de fibra óptica é unha prioridade absoluta no 2025”. Así, lembra que “o PSOE prometera no 2015 conectar todo Trabada” e “10 anos despois vemos que non fixeron nada”. É máis, “os problemas de cobertura na parroquia de Fórnea solucionáronse coa instalación dunha torre de comunicación coa colaboración da Xunta”. Con todo, “na parroquia de Balboa, moitos veciños e veciñas continúan sen cobertura”.
Os senadores pola provincia – José Manuel Barreiro, José Manuel Balseiro e Juan Serrano- xa teñen pedido explicacións ao Goberno de España “que é a administración competente na materia” polos problemas de conectividade no territorio da provincia” e agora dirixen formalmente por escrito ao Goberno de Sánchez preguntas sobre a situación en Trabada: as medidas que ten adoptado para corrixir a falta de servizo, se ten previsto un estudo integral sobre a cobertura da rede de fibra óptica na zona rural do municipio e se realiza seguimento das solucións adoptadas para verificar que se corrixen eses problemas en materia de acceso a Internet e telefonía.
Os senadores amosan as súas dúbidas sobre a realización do seguimento das solucións que o Goberno de Sánchez asegura que implanta sobre o terreo, “pero que non se está traducindo na práctica en melloras para algúns territorios e zonas máis rurais ou illadas”.
Os populares cren que “procede realizar un estudo sobre a cobertura da rede de telecomunicacións na zona rural do municipio, determinar as necesidades dos diferentes núcleos de poboación e levar a cabo as medidas e xestións que esixir e fomentar que as compañías distribuidoras de fibra e telefonía faciliten o acceso a estes recursos ao maior número posible de veciños deste municipio”.
O GOBERNO XESTIONA MILLÓNS DE FONDOS EUROPEOS PARA CONECTIVIDADE
O senador mariñán, José Manuel Balseiro, cre que “o acceso á fibra óptica, Internet ou cobertura telefónica de calidade é indispensable para que casas rurais, ganderías, cooperativas ou calquera outra iniciativa industrial ou empresarial, poidan competir en condicións de igualdade que aquelas que se atopan nas cidades ou en polígonos industriais”.
E incide en que “a pesar de que o Goberno de España presume de garantir o acceso, a prezo accesible, a banda ancha ultrarrápida e a telefonía ao 100 % da poboación; o certo é que hai grandes áreas privadas destes servizos”.
A situación é especialmente paradoxal tendo en conta que ministerios como o de Transición Ecológica y Reto Demográfico e o de Transformación Digital y Función Pública xestiona inxentes cantidades de fondos europeos destinados a conectividade e, en particular, á extensión das redes no rural.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
