Senadores do Grupo Popular na Comisión de Pesca do Senado interesáronse polo sector pesqueiro da Mariña lucense en encontros de traballo con patróns maiores, armadores e Organizacións de Produtores Pesqueiros da provincia
A Mariña, 4 de xuño de 2025. A Mariña, 4 de xuño de 2025. O Partido Popular defenderá no Senado as reivindicacións do sector pesqueiro lucense “que coinciden coas principais necesidades do sector a nivel nacional” e están estreitamente relacionadas co relevo xeracional, a necesidade da homologación de títulos e igualar condicións fiscais con respecto a outros países.
A delegación de senadores do Grupo Popular na Comisión de Pesca do Senado comprometeuse a dar traslado das demandas dos distintos actores do sector pesqueiro tras escoitar de primeira man aos seus representantes na Mariña lucense -patróns maiores das confrarías da provincia, sociedades de Armadores de Burela (ABSA) e Puerto de Celeiro e as Organizacións de Produtores Pesqueiros de Burela (OPP-7) e Celeiro (OPP-77)- durante a visita á comarca na que tamén puideron coñecer a lonxa da Burela.
O portavoz do Grupo Popular na Comisión de Pesca no Senado, Manuel Ruiz, acompañado polos senadores lucenses José Manuel Balseiro e José Manuel Barreiro, ademais da senadora ferrolá Verónica Casal e o senador cántabro Íñigo Fernández definiu a visita como “moi instrutiva” porque “é imposible coñecer o sector galego se un non coñece todo o que A Mariña supón para o mundo do mar”.
“Os problemas da pesca nos que máis inciden todos e cada un dos seus actores é o relevo xeracional”, segundo conclúe Ruiz. Algunhas das demandas máis urxentes do sector son “facilitar a obtención de títulos, especialmente para a xente que ten experiencia no mundo do mar”; así como revisar as condicións para a homologación de títulos doutros países e adaptar a formación ás necesidades do sector “facilitando que os traballadores do mar poidan chegar facilmente a ser uns tripulantes cualificados”. O popular avanzou que “estamos dispostos a defender un marco estatal único e harmonizado de titulacións náutico-pesqueiras que garanta o seu recoñecemento automático en todo o territorio nacional”.
Por outra banda, o sector reclama a aplicación das mesmas medidas fiscais para as empresas españolas que noutros países europeos. “Xa temos rexistrada unha iniciativa para reclamar exencións fiscais de ata 60.000 euros para aquelas tripulacións que operan con bandeira española en augas fóra do noso territorio nacional”, indica o senador popular.
A ese respecto, o Grupo Popular ten presentado unha proposta para instar ao Goberno de España a ampliar a exención tributaria do IRPF e modificar parcialmente as leis dos Impostos sobre Sociedades, Imposto da Renta para No Residentes (IRNR) e sobre o Patrimonio aos tripulantes españois en buques de bandeira española que faenan fóra das aguas españolas. “O obxectivo é o de estimular o relevo xeracional e, sobre todo, evitar a fuga de talento para países con condicións fiscais máis favorecedoras”.
O Senado xa ten aprobado, a iniciativa do PP, outras propostas coas que atallar reivindicacións que permitan garantir a pervivencia e o desenvolvemento do sector como, por exemplo, a rebaixa do IVE do pescado co obxectivo de favorecer o seu consumo. “Está nas mans do Goberno de Sánchez acatar o mandato que lle deu a Cámara Alta”, segundo conclúen os senadores populares.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
