Ademais, instan ao Goberno Municipal a iniciar un diálogo co Consorcio Provincial de Bombeiros “para anular futuras sancións en torno a este asunto, mentres non se atope unha solución”
Mondoñedo, 9 de xuño de 2025. Os Socialistas de Mondoñedo emprazaron ao Goberno do PP a asumir o cobro da factura de 361 euros (de xaneiro de 2023), e que se lle abonou ao propietario da vivenda de Santa María Maior, unha vivenda que se inunda cada vez que chove. Na pasada sesión plenaria celebrada no mes de maio, o PSdeG presentou un rogo co que instan ao Goberno Municipal, “a aboar esta factura con fondos municipais”.
“Entendemos que o veciño desta vivenda (José), é un afectado polo tanto non pode, nin debe, nin ten que asumir estes pagos que non lle corresponden, máxime cando el non os provocou. Ademais hai que ter en conta a situación de vulnerabilidade desta familia, cuxos propietarios da vivenda son pensionistas”, explican os socialistas. E por outra banda, emprazaron ao Goberno “a iniciar un diálogo co Consorcio Provincial de Bombeiros para anular futuras sancións en torno a este asunto, mentres non se atope unha solución”, sinalan.
Reclamación factura pola via administrativa
Nesta mesma sesión plenaria o PP tamén recoñeceu que tivo que pagar unha reclamación pola via administrativa por parte da empresa Estrives Ventures S.L., por importe de 9.559 euros, en concepto de redacción, xestión e tramitación do Plan de Sostenibilidade Turística de Destino, e de cuxa convocatoria o Concello de Mondoñedo non conseguiu ningunha subvención pola que concorría. “Entendemos que é moito mais rendible abrir as portas da Oficina de Turismo durante todo o ano para atender aos visitantes, en vez de gastar cartos en proxectos baleiros de sentido e de programación”, replican.
Licenza na Praza da Catedral de Mondoñedo
Dende o PSdeG tamén se interesaron polo retraso na aprobación dunha licenza urbanística, relacionada cunha reforma nun edificio da Praza da Catedral (que xa conta cos informes preceptivos de Patrimonio).
Arbores en Viñas da Veiga
No apartado de rogos, os socialistas reclamaron que se coloquen árbores en Viñas da Veiga (na zona de entrada de abaixo do Campo do Fútbol), polo lateral do Cuartel da Garda Civil, “xa que antes había arborado nesta zona, e agora quedou moi descoidada. Así como bo un repaso de limpeza de malezas existentes nas aceras desta contorna”. E tamén a limpeza e corta ou poda (si é necesario), das árbores que hai na carretera de entrada a Mondoñedo, dende a volta grande ata os Remedios.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
