Ribadeo, 14 de xuño de 2025. A Área de Igualdade presenta a programación da campaña Ribadeo Orgullosa 2025, que terá lugar durante o mes de xuño con actividades dirixidas a diferentes públicos, co obxectivo de promover a visibilización, o respecto e a celebración da diversidade.
A concelleira de Igualdade, Begoña Sanjurjo sinalou que “organizar esta programación é tamén unha forma de dicir alto e claro que en Ribadeo cabemos todas e todos, sexamos como sexamos. Queremos un concello onde cada persoa poida vivir con liberdade e sen medo a ser quen é”.
Rosa e azul
A actividade Rosa e Azul está dirixida ao alumnado de 5º e 6º de Primaria dos centros educativos de Ribadeo. A proposta consiste nunha sesión de contos teatralizados que celebran a diversidade e rompen cos estereotipos de xénero e o binarismo imposto desde o nacemento.
A través da manipulación de xoguetes e monicreques artesáns, mestúranse historias reais con contos de ficción que xiran arredor do respecto, o amor, a tolerancia e a diversidade. A actividade proporciona ao alumnado un espazo de reflexión e creatividade en torno á igualdade.
Mural pola diversidade
O Concello convoca un concurso artístico dirixido a persoas residentes ou nacidas en Ribadeo para a creación dun mural.
A inscrición será gratuíta. A participación será individual e limitada a persoas naturais ou residentes en Ribadeo. O tema das obras xirará arredor de Ribadeo e a diversidade, igualdade e visibilidade do colectivo LGTBIQ+. A técnica será libre dentro do ámbito das artes murais (grafiti, pintura mural, stencil, etc.), sempre que sexa manual. O prazo de presentación de proxectos está aberto desde hoxe ata o 27 de xuño ás 14:00 horas. As bases completas están colgadas na web do Concello de Ribadeo.
O xurado seleccionará 3 bosquexos entre os presentados, valorando a súa creatividade, orixinalidade, adecuación ao tema e calidade artística. E escollerá 1 gañador/a entre as propostas finalistas e comunicará a súa decisión o 28 de maio de 2025. O mural será realizado pola persoa gañadora nun prazo máximo de 2 meses dende o anuncio do premio. A execución será nunha parede situada no ascensor panorámico do paseo marítimo de Ribadeo, cunhas dimensións aproximadas de 2,20 metros de alto por 3 metros de ancho. O premio inclúe unha dotación económica de 600€ e un vale de compra de 50 euros, xentileza de Acisa Ribadeo.
28 de xuño
A celebración central do Orgullo terá lugar o venres 28 de xuño cunha tarde chea de actividades abertas á participación cidadá.
De 17:30 a 19:00 horas instalarase no Parque de San Francisco para que as persoas participantes na campaña Completa a túa bandeira poidan depositar as súas tarxetas. Desde as 19:45 horas o grupo Pandereitos do Inferno animará as rúas coa súa música e conducirá á veciñanza desde o centro cara ao Auditorio Municipal. Unha vez alí procederase á lectura pública do Manifesto do Orgullo e á entrega do premio do concurso do mural. A Coral Polifónica de Ribadeo ofrecerá un concerto especial ás 20:45 horas, baixo o título Coral Orgullosa, cun repertorio adaptado ao espírito da campaña. O acto servirá como peche institucional do Día do Orgullo.
Completa a túa bandeira
Durante os días previos ao 28 de xuño, veciños e veciñas poderán completar a bandeira LGTBI recollendo cores en comercios locais colaboradores. As persoas que entreguen a súa bandeira completa na urna que se instalará nas inmediacións do Parque San Francisco (xunto a antiga Oficina de Turismo) entre ás 17:30 e ás 19:00 horas do 28 de xuño entrarán nun sorteo presencial, que se celebrará ao final do concerto da Coral, no propio Auditorio. O premio será un brunch para dúas persoas no Araucaria e unha bandexa de produtos locais e de proximidade valorada en 90 euros.
A concelleira de Igualdade subliñou que “Ribadeo Orgullosa 2025 reafirma o compromiso institucional co respecto, a igualdade e a visibilización da diversidade, sumando cultura, educación e participación cidadá nunha celebración para todas as persoas”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
