A futbolista focense procede do Valdetires Ferrol, co que anotou 36 goles a pasada campaña en Segunda, e realizará o seu debut na máxima categoría
Burela, 15 de xullo, 2025. O conxunto feminino do Burela FS comeza a súa reconstrución apostando por unha xogadora da comarca. Desta maneira, a focense Lara Díaz convértese na primeira incorporación do equipo que dirixirá Belén Feal. Procede do Valdetires Ferrol FSF e é unha á destra que destaca pola súa potencia, a súa calidade técnica e por contar cunha sobresaínte capacidade goleadora. Na campaña recentemente terminada anotou 36 goles nos 31 partidos que disputou cun conxunto ferrolán que finalizou terceiro no grupo primeiro de 2ª e caeu na semifinal do play off de ascenso a Primeira diante do Almagro. O curso anterior xa marcara 24 tamén nas filas do cadro departamental.
Lara Díaz García (Vilaronte-Foz, 20-11-1999) terá por fin a oportunidade de debutar na elite despois de rozala en varias ocasións durante a súa carreira. Será na súa segunda etapa na estrutura do Burela FS. Criada entre o fútbol e o fútbol sala na canteira do CD Foz, en categoría infantil pasou ao Ribadeo FS, con quen se proclamou campioa autonómica. Tamén era unha habitual das seleccións provinciais de fútbol e fútbol sala, así como da selección galega de fútbol. Posteriormente, cando contaba con 14 anos, volvía ao fútbol tras fichar polo Peluquería Mixta Friol, que competía na Segunda Nacional. Máis tarde chegaba ao filial do Burela FS, nunha campaña na que tamén gozou de adestramentos co primeiro equipo, e un ano despois regresaba ao Ribadeo FS. De aí, en 2019 daba o salto ao Castro Bloques Cando, equipo no que estivo catro tempadas e co que lograba o ascenso á máxima categoría na campaña 2022/2023. Con todo, ela non deu o salto á elite e, tras facer a pretemporada co Rodiles asturiano, acababa asinando polo Valdetires Ferrol FSF, co que competiu durante estes dous últimos cursos en Segunda División. Agora, por fin, ábrenselle as portas da máxima categoría.
Lara Díaz asegura que afronta con moita ilusión o reto de debutar en Primeira División e de, ademais, facelo no Burela FS. “Xogar ao lado da casa e representar o fútbol sala da Mariña é un orgullo. É moi ilusionante porque creo que vou estar onde merezo ao final. Por meus avós, por min, pola miña familia e polos meus amigos. Comecei con 5 anos e despois de 20 anos neste deporte poderei estar en Primeira”, sinala.
A focense contará coa vantaxe de que xa coñece a Belén Feal, coa que coincidiu na campaña 2023/2024 no Valdetires Ferrol FSF. “Con Belén xa estiven unha tempada e merece estar na elite por como concibe este deporte e por como é persoalmente. Fai todo de corazón e iso ten a súa recompensa”, conclúe Lara Díaz.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
