O Concello colabora coa Comparsa Los Infieles na organización dunha xornada que encherá as inmediacións da praza Vermella de gastronomía, motociclismo, música e baile urbano
Cariño, 15 de xullo, 2025. O vindeiro sábado 19 de xullo, as inmediacións da praza Vermella de Cariño converterase no epicentro da festa coa celebración da VI Festa do Polbo e o IV Roteiro Mototurística, un evento impulsado pola Comparsa Los Infieles coa colaboración do Concello de Cariño.
A xornada comezará ás 10:00 horas coa apertura da feira de artesanía, que estará aberta ao público ata as 20:00 horas. Ás 11:30 horas, dará inicio o Roteiro Mototurística, que percorrerá algúns das paraxes máis emblemáticas da comarca e prolongarase ata as 14:00 horas.
A partir das 13:00 horas servirase a comida popular, que se prolongará ata as 16:00 horas, cun menú no que non faltarán os grandes protagonistas da xornada: polbo e churrasco.
As actividades da tarde arrincarán ás 17:00 horas cun emocionante espectáculo de freestyle a cargo de Álvaro López. Ás 18:00 horas, será a quenda do alumnado da escola de baile Street Dance. Xa ás 20:00 horas, o dúo Xaque Stunt & NH Pina ofrecerá un espectáculo de acrobacias, que promete deixar pampo ao público.
A esa mesma hora, as 20:00, comezará a cea popular, que servirá como antesala para a segunda edición do Ortegal Fest. Este ano, os encargados de poñer a música serán DJ Goro e DJ Wenry, quen fará vibrar ao público cunha selección de grandes éxitos de onte e de hoxe.
Desde o goberno local faise un convite a veciños e visitantes a gozar dun “evento único no Ortegal que cada ano gaña máis adeptos para gozar coa gastronomía, a música, o baile urbano e o motociclismo”. Ademais, agradécese a disposición e bo traballo da organización para que Cariño poida gozar un ano máis dun evento de referencia no Ortegal.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
Este dispositivo, deseñado e fabricado polo persoal de Sargadelos contribuirá a facer máis atractiva a visita ao complexo socio-cultural. Conxunto integrado pola fábrica, o museo de cerámica, o horto dos alieníxenas, a piscina dos desenganos, a taberna dos irmandiños e diversas esculturas e dispositivos emprazados nos terreos da propiedade.
Nova edición dos mércores de natureza polo Río Sor, este 16 de xullo ás 11h, partindo do porto do Vicedo (Inscrición no 982 59 01 95). O mesmo día ás 20:30h na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal.
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas".
