O PP lucense reúne a súa Xunta Directiva Provincial con deputados, senadores, alcaldes e portavoces para valorar o curso político e organizar a actividade dos próximos meses
Lugo, 30 de xullo de 2025. A presidenta do PP lucense, Elena Candia, destacou “o traballo constante e próximo aos lucenses” durante a reunión da Xunta Directiva Provincial na que participaron deputados, senadores, alcaldes e portavoces e na que trazaron as liñas de acción para os vindeiros meses.
A presidenta subliñou “a unidade do Partido Popular como demostrou no último Congreso nacional” que, por certo, contou con destacada participación lucense.
Fronte a isto, lembrou un PSOE “baixo mínimos” atravesando unha “crise interna” na provincia marcada por unha “clara falta de apoio ao seu secretario xeral” que se evidenciou non só coa ausencia de tres deputados ao Pleno do pasado mes de xuño, senón porque ningún outro deputado, alcalde ou portavoz presentou na provincia a iniciativa anunciada polo propio Tomé en contra da presidenta da formación popular. “Tampouco conta o líder socialista co seu socio no goberno da Deputación de Lugo, o BNG” que se desmarcou á hora da votación desa mesma proposta.
Tamén lembrou que os “representantes do PSOE da provincia son máis sanchistas que lucenses ao seguir defendendo o Goberno de Sánchez, salpicado pola corrupción” no entorno do propio presidente.
O Partido Popular continúa a traballar “de forma seria, con rigor e previsión” e “da man dos veciños e veciñas”. O Grupo Municipal Popular está a liderar no Concello de Lugo propostas en consonancia coas demandas dos veciños. Na provincia, o Grupo Provincial Popular reivindica “a igualdade de trato entre os concellos” e que PSOE e BNG cumpran o que ten prometido o goberno provincial.
Os deputados autonómicos pola provincia levan ao Parlamento de Galicia propostas para atender as necesidades dos galegos e lucenses e que o Goberno galego está a aplicar “cunha folla de ruta claramente marcada, cumprindo os seus compromisos, avanzando en proxectos importantes para a provincia e elaborando as contas do vindeiro ano co obxectivo de aprobalos en tempo e forma”.
Fronte a un Goberno en Galicia “forte, estable e comprometido coa xestión dos intereses dos galegos e galegas”; en España, “o Goberno de Sánchez está máis centrado en “contentar aos seus socios e defenderse da corrupción que rodea a persoas próximas ao presidente”.
Estas son as denuncias habituais que formulan os deputados nacionais e os senadores lucenses; ademais de pedir explicacións ao Executivo estatal pola “discriminación a Galicia e á provincia, a única do entorno sen conexión coa alta velocidade e sen apoios do Goberno de Sánchez para o desenvolvemento industrial” e presentar propostas para demandar melloras para a provincia en distintos ámbitos.
Candia sinala que “o Partido Popular de Lugo está a ser propositivo e reivindicativo dende as distintas Cámaras nas que ten representación” e, coincidindo co ecuador dos actuais mandatos municipais e nacionais, convida aos representantes públicos, pero tamén a tódolos lucenses, a “seguir traballando dende a humildade, a escoita e a coordinación coa convicción de que o proxecto do PP é o futuro da provincia e de España”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
