Segundo indica Castiñeira, os residentes da zona “están obrigados a dar rodeos inxustificados para acceder aos seus garaxes debido a decisións unilaterais de Cajoto que alteraron o tráfico sen consensuar nin informar axeitadamente”
Foz, 31 de xullo de 2025. O Partido Popular de Foz denuncia a situación de bloqueo que sofre a obra do novo vial das Torres, que conecta a urbanización das Lagoas coa estrada que vén da zona de Llas polo cámping. A pesar de que hai unhas semanas que se asfaltou, a obra segue sen rematar e permanece pechada ao tránsito, o que está a causar importantes molestias á veciñanza.
O voceiro popular, Javier Castiñeira, lembra que “xa denunciamos esta situación hai semanas, e o alcalde acusounos de oportunismo político, asegurando que en dous ou tres días estaría todo feito. Efectivamente, asfaltouse, pero aí quedou todo. A obra segue paralizada e os veciños están perdendo a paciencia”.
Segundo indica Castiñeira, os residentes da zona “están obrigados a dar rodeos inxustificados para acceder aos seus garaxes debido a decisión unilaterais de Cajoto que alteraron o tráfico sen consensuar nin informar axeitadamente”.
A obra, que conta cun orzamento de 68.000 euros, foi anunciada como unha mellora para a mobilidade da zona, pero a día de hoxe segue sen estar operativa. “Semanas despois do asfaltado, o único que se fixo foi mandar dúas persoas a colocar dúas alcantarillas, pero o vial segue pechado. O alcalde está a rirse da veciñanza”, critica o voceiro do PP.
O PP de Foz pregúntase se existe algún tipo de problema coa empresa adxudicataria ou coa xestión municipal da obra, e reclama explicacións públicas de inmediato.
“O que pedimos desde o Partido Popular é que a obra se remate dunha vez, que se entregue aos veciños e que se poida usar xa. Non pode ser que esteamos no verán, coa xente vivindo na zona, e teñan que seguir soportando este despropósito. Señor Cajoto, póñase as pilas dunha vez”, conclúe Javier Castiñeira.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
