Os socialistas defenderán no vindeiro pleno unha moción para a mellora das infraestruturas de saneamento no municipio
O Vicedo, 24 de xullo de 2025. O Grupo Municipal Socialista de O Vicedo levará ao pleno do vindeiro mércores 30 de xullo unha moción na que reclama un plan integral para mellorar o saneamento da auga en todo o termo municipal.
A iniciativa responde a unha situación preocupante no municipio, onde numerosas parroquias e núcleos de poboación carecen de rede de saneamento ou dispoñen de instalacións deficientes. Esta realidade supón un risco para a saúde pública, o medio ambiente e a calidade de vida da veciñanza.
A moción insta ao goberno local a realizar un estudo técnico urxente que identifique os puntos críticos e as zonas sen servizo, así como a elaborar un Plan Municipal de Saneamento que defina prioridades, prazos e previsións orzamentarias. O PSdeG propón tamén solicitar financiamento á Deputación de Lugo, á Xunta de Galicia e ao Goberno do Estado, para levar a cabo as actuacións necesarias.
Ademais, a proposta socialista inclúe establecer un calendario de actuacións co compromiso de iniciar as obras nas áreas máis afectadas e garantir que a veciñanza reciba información clara e transparente sobre os plans e prazos previstos. “Estamos a falar dun dereito básico da cidadanía, que afecta á calidade de vida, á salubridade das vivendas e ao futuro do noso medio rural”, explican desde a formación.
Os socialistas agardan que a moción conte co respaldo do resto da corporación municipal. “O acceso a un saneamento eficaz é un dereito básico e unha obriga das administracións públicas. A situación en moitas parroquias do Vicedo, que seguen sen rede ou con instalacións deficientes, supón un risco para a saúde, o medio ambiente e a calidade de vida da veciñanza”, conclúen.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
