Viveiro, 30 de xullo, 2025. O PSOE de Viveiro quere saír ó paso das declaracións feitas onte pola secretaria general do partido popular de Galicia, Paula Prado, e a Secretaria Provincial de Lugo Elena Candia, nas que afirmaron que a Alcaldesa de Viveiro converteuse nun referente na Mariña pola súa xestión no Goberno Municipal, e que xa se ven un cambio en Viveiro.
Desde o grupo municipal “consideramos estas afirmacións unha auténtica falta de respecto á verdade e á veciñanza”.
“Resulta ofensivo que quen durante o tempo que estiveron na oposición se adicaron a desprestixiar aos anteriores equipos de goberno presididos por María Loureiro, e agora saiban que Viveiro funciona grazas ao traballo que nós deixamos feito”.
O certo é que todo o que está executando a día de hoxe o actual goberno do Partido Popular son proxectos herdados do anterior goberno socialista. Non presentaron nin un só proxecto novo, nin explicaron como van invertir os seis millóns de euros que anunciaron como acordo político con Por Viveiro trala moción de censura”.
“Respeto aos orzamentos, votamos a favor por responsabilidade política, conscientes de que son imprescindibles para garantir e poder manter os servicios e subministros, reparacións, etc, e tamén conceder as subvencións ás asociacións culturais e deportivas, repercutindo todo elo no desfrute da veciñanza. Esa é a nosa forma de de facer política: con responsabilidade e pensando no ben común”.
“En troques o partido Popular, durante os anos que estivo na oposición, nunca votou a favor dos orzamentos, bloqueando sistemáticamente a súa a aprobación. Outro claro exemplo de que bloqueaban temas de importancia para o concello foi cando votaron en contra da modificación da relación de postos de traballo, para entre outros solucionar o problema da Policía local, para ao mes de entrar no goberno levar o mesmo que eles votaron en contra ao pleno para a súa aprobación”.
“A pesar de despretixiarnos e de decir que a Alcaldesa de entón, María Loureiro, non facía nada, nos presupostos que se aprobaron a semana pasada só van as inversións que deixou o anterior goberno. Mesmo con relación ao turismo, a Alcaldesa saiu nas fotos presentando unha revista de promoción turística, a mesma que se presentou nos anteriores anos do goberno socialista”.
“Nós somos conscientes de que, tras tantos anos de xestión, todo é mellorable. Evidentemente cometemos erros, como non podía ser doutro xeito, e sempre se poder facer máis. Pero o que nos parece profundamente inxusto é o nivel de desprestixio, de vapuleo e críticas que sofrimos, chegando a decir que non facíamos absolutamente nada”.
“Agora case que cinco meses despois, estase demostrando que sí fixemos: porque todo o que están a facer é continuidade do traballo que deixamos feito”.
“Se tan mal estaba Viveiro como dicían, porque de momento non presentaron nin un só proxecto?. Sabemos que cinco meses non é moito tempo, pero tal e como anunciaron na prensa que tiñan proxectos de futuro de Viveiro xa os deberían de presentar aos veciños”.
“Por último, denunciamos a hipocresía da Alcaldesa, agora apela á colaboración de todas a administracións. Estamos completamente dacordo con ela, pero mentres estivo na oposición non moveu nin un só dedo para conseguir investimentos da Xunta de Galicia para Viveiro, porque non lle interesaba que se viran avances durante os gobernos anteriores”.
“Desde o PSOE de Viveiro seguiremos fiscalizando con rigor, denunciando as falsedades e traballando con lealdade sen facer unha oposición destructiva, para que o noso concello avance de verdade, non a golpe de fotos e propanganda”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
