Foz, 8 de agosto de 2025. O Concello de Foz, a través da Concellería de Muller e Igualdade, instalará un punto violeta con motivo da celebración das festas do San Lorenzo, de igual maneira que se fixo nos festexos na honra á Virxe do Carme. Estes puntos serven para concienciar contra a violencia de xénero.
A concelleira de Muller e Igualdade, Ana Rojo, explica que “son espazos libres de violencia e agresións sexuais. A nosa intención e promover un entorno seguro nestas festas de divertimento e concentración de moita xente participante para que mulleres e homes disfruten da igualdade, ademais de concienciar á xuventude e á poboación en xeral sobre a importancia de como se debe actuar ante unha agresión ou acoso sexual, evitando e detectando situacións de perigo que se puideran dar nestas festas. Este punto violeta, ó igual que nas festas do Carme, contará novamente con técnicas con formación en igualdade e prevención da violencias sexuais ou de xénero, ademais dunha psicóloga, e estará atendido en horario de 22.30 a 4.30 da madrugada os días 9 e 10 de agosto na mesma ubicación, abaixo do bar Náutico, lateral de Servizos Sociais, na zona do porto deportivo”.
Ana Rojo engade que “o obxectivo do Concello colocando estes puntos violeta e promover entornos seguros, con protocolos de actuación tratando de previr e erradicar as agresións sexistas en espazos masificados, sobre todo en lugares festivos e de ocio mediante a información de todos os recursos dos que dispón a persoa afectada ou posible vítima, dándolles todo o apoio asistencial, facilitándolles os recursos necesarios mediante o acompañamento á posible vítima, muller, home ou membros do colectivo LGTBI. Na maioría das veces este tipo de abusos, acoso ou violencias sófrenos as mulleres nestes espazos de festa e divertimento”.
A concelleira de Muller e Igualdade en Foz considera que “é fundamental que tanto homes como mulleres se involucren nesta causa, e se poida estender este compromiso a toda a sociedade, e que tanto homes e mulleres e a xuventude en xeral poidan disfrutar da mesma maneira dunhas festas seguras, libres de agresións, con respecto e tolerancia mutua”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
