Xove, 8 de agosto de 2025. Na mañá de hoxe, o BNG de Xove deu rexistro ás 631 sinaturas recollidas durante o mes de xullo para cubrir a praza da médica xubilada hai tan só uns meses. “ Queremos agradecer a cada unha das 631 persoas que se achegaron a nós e que nos escoitaron pois é un problema que nos afecta a todas as veciñas de Xove, aínda que non se pertenza á cota que está sen cubrir. Cando só hai unha médica no centro, o traballo desta vese incrementado polas posibles urxencias” afirman dende o BNG local.
A situación para a cota que está sen médica é insoportable
“Tal e como denunciábamos hai un mes cando comezamos a recollida, as veciñas e veciños que pertencen á cota afectado seguen sen poder pedir cita para consulta nin para receitas a través da app do Sergas xa que non dispoñen de ocos ou por non ter a previsión de que días da semana acudirá un médico a atendelos. Ademais, se xa a situación era precaria, neste mes só terán tres días en xornada de tarde para ser atendidos” denuncia a voceira Pilar Vázquez.
“A situación é insoportable, non é posible facer un seguimento dun paciente con todas as garantías e sobrecárgase de traballo á médica que hai no centro ou ás que envían dende o hospital. A xerencia da área sanitaria prometeu hai un mes ante os alcaldes do Partido Popular que se daría cobertura aos centros de saúde da comarca e, por moito que digan, basta con acudir ao centro de saúde de cada un para ver que só son mentiras, que te deriven a outro centro de saúde non é unha cobertura na túa localidade. A atención primaria está morrendo e aféctanos a todos”, conclúe Vázquez.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
