Os representantes lucenses presentaron xunto á alcaldesa, Mariña Gueimunde, e concelleiros do Partido Popular a iniciativa que defenderán no Senado
Celeiro (Viveiro), 5 de agosto de 2025. O Partido Popular instará ao Goberno de España dende o Senado a ceder, de forma gratuíta, a titularidade das instalacións do antigo colexio Pedrosa Latas de Celeiro ao Concello de Viveiro “en liña cun acordo recente aprobado por ampla maioría no Pleno municipal”.
Os senadores lucenses José Manuel Barreiro, José Manuel Balseiro e Juan Serrano deron a coñecer esa iniciativa en rolda de prensa xunto á alcaldesa Mariña Gueimunde e concelleiros do Partido Popular de Viveiro.
Os populares lembran que “non é a primeira vez que se formaliza esta demanda”. De feito, xa no ano 2021 o Parlamento de Galicia aprobaba por unanimidade, a instancias do Grupo Popular, solicitar a cesión gratuíta ao Concello; pero nin o Goberno de Sánchez nin o goberno local -ambos socialistas naquel momento- mostraron interese por cumprir o acordo”.
Así, “o Goberno de Sánchez preferiu manter estas instalacións en precario e sen facer unha cesión formal gratuíta ao Concello para uso dos veciños”. De feito, “a súa intención sempre foi vender. Incluso saíu a poxa, pero sen éxito”. É dicir, “o Goberno de Sánchez prefire lucrarse antes que colaborar coa administración local para que poña este espazo público a disposición dos veciños e veciñas de Viveiro”.
No seu momento, plantexouse a súa rehabilitación para albergar a Escola Oficial de Idiomas (EOI) de forma que quedaran libres as súas actuais instalacións para a construción da residencia de Aspanane que, finalmente, se construirá en Xove. Outra proposta é a de destinalo, unha vez adaptado, ao tecido asociativo local; toda vez que “o municipio precisa espazos de uso público”.
A alcaldesa, Mariña Gueimunde, aposta por corrixir esta situación á vista de que “hai demanda de espazos públicos para poñer a disposición dos colectivos do municipio, pero neste momento o antigo colexio de Celeiro non é titularidade do Concello”, recalca.
O antigo colexio Antonio Pedrosa Latas é propiedade da Tesorería General de la Seguridad Social trala cesión do solar onde se localiza por parte da Confraría de Pescadores e da Unión de Fabricantes de Conserva.
Foi inaugurado en 1955 e permaneceu en activo ata o ano 1998, cando toda a actividade lectiva pasou ao novo colexio. Desde aquel momento a falta de atención e mantemento do seu propietario –o Estado-, especialmente estes últimos anos, levou a un deterioro paulatino do centro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
