Naturleite súmase ao pacto ambiental que promove o Executivo galego e reforza a súa aposta pola redución de emisións de CO2
Meira, 26 de setembro de 2025. A Xunta subliña que cada vez máis empresas comparten a necesidade sumar esforzos coa Administración e con outras organizacións sociais para, a través da Alianza Galega polo Clima, adoptar medidas e accións que contribúan a paliar o quecemento global e a camiñar cara unha transición ecolóxica que garanta unha Galicia máis sostible.
A conselleira de Medio Ambiente e Cambio Climático, Ángeles Vázquez, e a directora xeral de Naturleite, María Jesús Peteira Quintas, asinaron hoxe en Meira (Lugo) a adhesión desta empresa de produción e envasado de leite á Alianza galega polo Clima, iniciativa autonómica que agrupa a axentes económicos e sociais comprometidos co medio ambiente e na redución das emisións de gases de efecto invernadoiro que inciden nun aumento das temperaturas do planeta.
A Alianza galega polo clima, á que se suman de xeito voluntario diferentes entidades públicas e privadas da comunidade, acadou a cifra de 229 integrantes. O dato mostra o compromiso do tecido empresarial, social e institucional por sumar esforzos e aproveitar sinerxías no obxectivo común de frear o cambio climático.
A incorporación á iniciativa autonómica polo clima posibilita que as entidades aliadas poidan participar en distintas actividades, entre elas, nun programa de mentoring no que as grandes empresas con experiencia guían a outras máis pequenas para que aprendan como avanzar no eido da descarbonización e a redución de gases.
A partir do exemplo que da Naturleite, Ángeles Vazquez eloxiou o esforzo a prol da sostibilidade que fan as empresas integradas no pacto impulsado pola Xunta para acadar “unha Galicia máis forte, verde es sostible”. Resaltou que, para afrontar este reto, a empresa leiteira coida especialmente aos gandeiros galegos que son os seus provedores, a calidade do produto e, tamén, está preocupada polo medio ambiente.
As políticas públicas teñen que ter en conta ás persoas e á economía, avogou a titular de Medio Ambiente. Asemade, lembrou que Galicia, grazas á cooperación da Administración e dos diferentes axentes, leva anos traballando e está a liderar a mitigación de emisións netas de gases de efecto invernadoiro (GEI). Reiterou que todos os esforzos están orientados a lograr o cumprimento de neutralidade climática no ano 2040, unha década antes do prazo fixado pola propia UE.
Visita ás instalacións de Meira
Por outra banda, a conselleira e a directora xeral de Enerxías Renovables e Cambio Climático, Paula Uría, aproveitaron a xornada para, da man do equipo directivo de Naturleite, coñecer a actividade que desenvolve esta empresa no eido da fabricación e comercialización de produtos lácteos e de leite fresco.
Responsables da Consellería de Medio Ambiente e Cambio Climático e membros do Comité directivo da empresa fixeron un percorrido polas distintas estancias da planta de produción e envasado de leite, sita no polígono industrial de Xestur, na localidade lucense de Meira.
A empresa, pertencente ao grupo Cooperativa Ganadera del Valle de los Pedroches (COVAP) e proveedora de Mercadona, traballa con explotacións leiteiras da provincia de Lugo e a Coruña. Nos últimos anos, executou un forte investimento en tecnoloxía e, en concreto, apostou pola mellora da sostibilidade das súas instalacións para reducir o consumo de enerxía, gas e auga co reto de avanzar na redución das emisións de CO2.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
