Os populares aseguran que este plan está xerando máis caos circulatorio, inseguridade viaria e un gasto adicional innecesario nas arcas municipais
Foz, 22 de setembro de 2025. O voceiro do Partido Popular de Foz, Javier Castiñeira, denuncia “o fracaso total do plan de mobilidade deseñado polo señor Cajoto”, que segundo os populares está xerando máis caos circulatorio, inseguridade viaria e un gasto adicional innecesario nas arcas municipais.
Castiñeira puxo como exemplo a situación da rúa Alfonso X, onde o Concello está a realizar obras para modificar o sentido da circulación. Estes cambios contradín o propio plan de mobilidade aprobado polo Goberno local e evidencia que “se trata dun proxecto improvisado, sen planificación e cun elevado custo económico”. “O alcalde ten que rectificar decisións que el mesmo tomou, o que implica gastar máis cartos públicos sen mellorar a vida dos veciños”, lamenta Javier Castiñeira.
O PP de Foz tamén poñen o foco na rúa Eduardo Pondal, que pasará a ter sentido ascendente cara o cruce da Telefónica con Salvador de Madariaga. Para os populares, esta modificación “é un auténtico perigo”. “Este entroque é moi complexo, con moito tráfico e pouca visibilidade. Salvador de Madariaga quedará con dous sentidos de circulación nun tramo moi curto, xusto preto da glorieta. Os camións van atopar serias dificultades para maniobrar e estamos convencidos de que se vai converter nun punto negro de tráfico”, advirte Castiñeira.
Os populares denuncian tamén que estas obras coinciden coas do barrio das Casas Baratas, que acumulan máis de dous anos de retraso e un sobrecuste superior a 150.000 euros. “Estamos ante un auténtico despropósito. Os veciños levan soportando retrasos continuos e un incremento do gasto que xa supera os 150.000 euro, só nas obras na zona das Casas Baratas. Agora, con todas estas actuacións solapadas, agárdanos un auténtico caos circulatorio durante meses”, indica o voceiro do Partido Popular de Foz.
O PP lembra outros exemplos de improvisación, como os problemas na avenida de Sarria, onde os autobuses escolares chegaron a quedar atrancados, ou as deficiencias nas actuacións da rúa Irmandiños e Corporacións.
“Todo isto demostra que Cajoto non ten un plan serio nin escoita a ninguén. As súas decisións son parches improvisados que custan cartos e complican a vida dos veciños”, engade Castiñeira.
Os populares conclúen que o plan de mobilidade de Cajoto “naceu mal e está rematando peor”, e instan ao alcalde a rectificar. “Non pode seguir tirando cos cartos dos focenses. Urxe que escoite ao veciños e aos que coñecen a realidade do tráfico en Foz antes de seguir improvisando”, remata Javier Castiñeira.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
