O prazo de preinscrición permanecerá aberto ata o 29 de setembro e as actividades comezarán o 13 de outubro
Cariño, 22 de outubro, 2025. O Concello de Cariño abriu o prazo de preinscrición para participar nas Escolas Deportivas e nos Obradoiros Culturais do curso 2025-2026. O prazo estará aberto ata o luns 29 de setembro ás 14:00 horas e poderá formalizarse a través dun formulario en liña dispoñible nas redes sociais municipais. Aquelas persoas que necesiten axuda ou non dispoñan de medios poderán inscribirse de maneira presencial no Servizo de Deportes, situado na Casa do Concello.
As actividades comezarán o 13 de outubro e desenvolveranse ata o 31 de maio de 2026, ofrecendo unha programación diversa dirixida tanto a nenos e nenas como a persoas adultas. Xa están dispoñibles os horarios provisionais, que recollen os grupos por idades e os espazos onde se desenvolverán, aínda que poderían modificarse en función da dispoñibilidade de monitores e instalacións. A oferta deste curso inclúe propostas como aquagym, balonmán, pilates, patín, teatro, psicomotricidade e xogos, baloncesto, bádminton, atletismo ou natación, que se desenvolverán en espazos como o colexio, a piscina, o instituto ou o auditorio.
En canto ás taxas, establécense prezos especiais para natación e aquagym, con descontos progresivos por cada participante adicional. Os non socios pagarán 22 euros ao mes e os socios 11 euros, con reducións adicionais en caso de inscricións múltiples. Para as Escolas Deportivas e Teatro, os nenos e nenas abonarán 12,80 euros ao ano por actividade, cun desconto do 30% para familias que inscriban a tres menores, mentres que os adultos pagarán 25,60 euros ao ano por actividade. No caso do teatro infantil, a taxa será de 6 euros por cuadrimestre, coa posibilidade de realizar un único pago anual de 12 euros.
Para máis información, as persoas interesadas poden dirixirse ao Servizo de Deportes do Concello de Cariño ou chamar ao teléfono 981 405 064.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
