“As medidas de conciliación melloran a vida diaria da veciñanza e fan posible que se quede a vivir en Vilalba”, asegura a alcaldesa, Marta Rouco
Vilalba, 26 de setembro de 2025. O Concello de Vilalba reforzará o Servizo de Madrugadores co que comezou o curso escolar 2025/26 para dar resposta ás novas demandas das familias.
O concello xa iniciara o curso cun aumento de prazas, ata as 110, chegando ademais por primeira vez a un colexio do rural, o CEIP Terra Chá (no CEIP Monseivane ofertouse tamén, pero non hai polo momento suficiente demanda).
Agora, dando resposta ás últimas demandas das familias, modificará o contrato para ofertar 20 prazas máis de Madrugadores no CEIP Mato Vizoso, das que 11 xa se solicitaron e están en lista de agarda.
Por outra parte, na Escola de Educación Infantil de Vilalba haberá un terceiro monitor para atender de forma correcta ao alumnado con necesidades especiais.
“As medidas de conciliación melloran a vida diaria dos veciños e veciñas e fan posible que se queden a vivir en Vilalba”, asegura a alcaldesa, Marta Rouco, “e no caso do servizo de Madrugadores, permiten que as nais e os pais poidan chegar aos seus postos de traballo”.
O Concello de Vilalba destina un millón de euros a xestionar de forma directa servizos nos centros educativos, a pesares de que as competencias do ensino público son da Xunta de Galicia.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
