Ribadeo, 18 de setembro de 2025. Ribadeo mellora zonas verdes no porto para garantir a seguridade. As actuacións rexístranse nas inmediacións da Fonte de Guimarán e no entorno do ascensor panorámico. Neste puntos prodúcense con certa frecuencia desprendementos de terra e de maleza.
O alcalde, Dani Vega, explicou que “estamos actuando na zona portuaria concretamente desde a Fonte de Guimarán ata a capela de San Miguel. Toda esta zona lateral que está tendo problemas constantemente, durante moitos anos, con desprendementos de terra que afectan á rúa Calvo Sotelo, tamén hai desprendementos de maleza. Todo o peso que está soportando ten consecuencias e hai unha falta de seguridade en toda a rúa Calvo Sotelo desde a zona portuaria ata a entrada da zona do Cargadeiro e tiñamos que actuar. Solicitamos a colaboración da Xunta de Galicia e xa anunciábamos que despois do verán íamos actuar. Estes traballos estanse realizando a cargo da administración autonómica”.
O rexedor contou que “tamén vamos actuar en toda a zona do entorno do ascensor. Aquí estamos tendo problemas de desprendementos de terra e de maleza nesa zona. O que debemos facer en primeiro lugar é limpar e actuar para protexer toda esa zona e que haxa, evidentemente, un espazo seguro na rúa Calvo Sotelo e no entorno do ascensor. E despois ten que haber unha práctica de conservación de todo este espazo. Polo tanto, actuamos limpando e conservando e mellorando todos os espazos, todas as zonas verdes, que eu creo que é importante”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
