O Presidente da institución provincial garante a continuidade destas dúas citas viveirenses que “son estratéxicas, que atraen cada ano a milleiros de visitantes e que teñen un notable impacto económico en toda a comarca da Mariña”
Lugo, 1 de outubro de 2025. A Deputación de Lugo confirma que manterá o seu apoio ao Belén con figuras a tamaño real Viveiro Ante o Berce e á Semana Santa, dúas citas fundamentais para o desenvolvemento cultural, social, turístico e económico da cidade do Landro e da Mariña lucense.
Este respaldo da institución provincial é froito das xestións realizadas pola asesora de Presidencia, María Loureiro, quen mantivo diferentes encontros co Presidente da Deputación de Lugo, José Tomé Roca, para garantir a continuidade de dous apoios estratéxicos que atraen cada ano a milleiros de visitantes e que teñen un notable impacto económico na comarca.
“Ambas citas supoñen un motor económico para o municipio e para a súa contorna, cun retorno directo nos sectores da hostalaría, do comercio e dos servizos. O apoio da Deputación de Lugo a estas dúas citas está máis que xustificado, porque representan unha tradición, un patrimonio cultural e tamén un motor económico para toda a provincia. O noso compromiso con Viveiro e coa Mariña segue intacto”, afirma o mandatario provincial.
Procedemento ordinario para a concesión de axudas
A Deputación lembra que, tal e como acontece con calquera outro Concello da provincia, será o Concello de Viveiro quen deba solicitar oficialmente estas achegas, acompañando a petición cunha memoria detallada de necesidades. Este trámite é imprescindible para que a institución provincial poida avaliar e tramitar as axudas de forma transparente, rigorosa e conforme á normativa vixente.
Dúas citas importantes
A Semana Santa de Viveiro, declarada no ano 2013 Festa de Interese Turístico Internacional, está considerada como unha das celebracións relixiosas máis importantes e antigas de Galicia, coa participación de numerosos pasos de grande valor artístico, como a Última Cea (1808), o Encontro, o Vía Crucis ou a procesión da Soidade, coñecida como a dos Caladiños.
Pola súa banda, o Belén con figuras a tamaño real Viveiro ante o Berce conta cun centenar de imaxes a tamaño real, incluíndo animais e estruturas coas que se recrean escenas do nacemento e tamén da vida cotiá dunha vila tradicional. Destaca pola beleza das súas pezas, pola súa magnitude e por estar instalado no casco histórico de Viveiro, converténdose nun dos grandes reclamos turísticos do Nadal en Galicia.
Este martes 30 de setembro "soubemos do pasamento do noso veciño e amigo Xosé Luis Barrera Rei. Desde o BNG de Ribadeo queremos transmitir o noso pésame a toda a súa familia e renderlle homenaxe a unha persoa que sempre amosou as súas inquedanzas pola nosa cultura, polo mundo do deporte, e polo seu país: Galiza". Xosé Luis Barrera Rei estivo vinculado ao mundo da cultura ribadense, nomeadamente ao grupo de teatro, e ao mundo do deporte; tamén foi responsábel local do BNG nos anos oitenta. Tres foron as súas paixóns: Galiza, Cuba e o seu Deportivo da Coruña. Na veciñanza queda un recordo moi agradecido polo seu compromiso co país e con Ribadeo. "Sempre formarás parte da nosa memoria, Barrera".
O evento, que se celebra de maneira alterna entre os dous concellos veciños, está aberto á participación de persoas de diversas idades, con diferentes percorridos segundo a categoría: a absoluta percorrerá 6,5 quilómetros; infantil e cadete, 1,6 quilómetros; alevín, 1,2 quilómetros; benxamín, 600 metros; e os pícaros, 200 metros. A saída da carreira absoluta será dende diante da Casa da Cultura do Valadouro, cunha meta situada no entorno do pavillón de Alfoz. Pola súa parte, as categorías inferiores correrán arredor do parque municipal de Alfoz. Ademais, haberá unha andaina popular como parte da oferta.
Para apuntarse hai que enviar un correo a agrupacionfranciscolanza@gmail.com. As clases son totalmente gratuitas.
A cita é ás 20 horas con posteriores petiscos para xs asistentes.
Durante 10 horas combinou parte teórica e práctica. Na teoría trataron conceptos básicos, formación e materias primas en apicultura e fabricación de alimento; e na práctica elaboraron in situ, cos ingredientes necesarios, alimento para as abellas. O obxectivo era amosarlle aos apicultores e aos afeccionados a identificar os distintos tipos de alimentos que utilizar na alimentación das abellas así como a analizar os beneficios que poden conseguir no manexo da colmea grazas a unha correcta alimentación. Na presentación estivo presente o alcalde de Xove, Demetrio Salgueiro, quen agradeceu a asistencia de todo o alumnado, a disponibilidade e atención da Casa do Mel e o financiamento das distintas institucións para que este curso se levase a cabo en Xove.
Pola mañá realizarase unha visita guiada ao mosteiro, así como os seus arredores; a medio día visita a Portomarín, e pola tarde a ao pazo de Tor, en Monforte. O prezo da actividade será de 65€ para socios/as e 75 para non socios/as. Para que se realice a actividade deberá haber un mínimo de 20 persoas inscritas. Non se poderá exceder as 30 por limitacións de público nas visitas. Para inscribirse, enviar un correo indicando nome e apelidos. Para aboar o prezo xa se darán instrucións respondendo a dito correo. Tamén se pode facer a inscrición mediante mensaxe de WhatsApp ao 699809606.
O filme está dirixido por Xan Leira cuxa actividade está centrada na produción editorial e de documentais relacionados coa recuperación da memoria social e política da Galiza e da diáspora galega. O documental recolle testemuñas sobre especialistas no autor como o dos mariñaos Martín Fernández Vizoso e Pablo Rodríguez "Vivín".
