O delegado territorial visitou en Chantada un dos establecementos adheridos ao programa, que ofrece descontos en compras e servizos culturais, de ocio e sanitarios para persoas maiores de 65 anos
Chantada, 29 de setembro de 2025.- O delegado territorial da Xunta, Javier Arias, animou hoxe ás persoas maiores de 65 anos da provincia de Lugo a beneficiarse das vantaxes do Carné+65, que inclúe descontos e oportunidades en comercios e servizos culturais, de ocio e sanitarios de toda Galicia.
Arias visitou a empresa de telecomunicacións chantadina A Túa Xanela, que ofrece acceso a internet, telefonía e televisión. É un dos 104 establecementos lucenses asociados ao programa, entre os que figuran aloxamentos, axencias de viaxes, balnearios, ópticas, centros de audición, clínicas dentais, farmacias, servizos culturais e de espectáculos, tendas de moda e comercios de ámbito diverso.
O delegado apuntou que a Consellería de Política Social e Igualdade envía o carné aos galegos maiores de 65 anos, e se alguén non o recibiu pode solicitalo dirixíndose ao seguinte enderezo de correo electrónico: xestion.carne65.maiores@xunta.gal.
O Carné+65 é gratuíto para os ususarios e non precisa ser activado. Tan só haberá que presentalo nos establecementos inscritos para aproveitar os seus beneficios. Entre as posibilidades que ofrece, atópanse descontos directos de ata o 30% e beneficios especiais en numerosas actividades.
O programa conta cunha páxina web na que poden consultarse todos os detalles e a listaxe completa de negocios adheridos, que en toda Galicia son máis de 900. Na mesma web está dispoñible o formulario para que se apunten novas empresas.
Arias lembrou que a medida enmárcase nas iniciativas da Xunta para garantir unha vida activa, saudable e independente ás persoas maiores, entendendo o envellecemento activo non só como actividade física, senón que tamén teña en conta a participación social e a estimulación intelectual. Outras accións nese mesmo sentido son o programa Benestar en Balnearios, as Casas do Maior, o programa Xuntos polo Nadal ou as aulas sénior.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
