A Mariña, 29 de setembro de 2025. A Mariña será o vindeiro 1 de outubro o punto de encontro do debate sobre o turismo e a sostibilidade, un evento impulsado pola Mancomunidade de Concellos da Mariña Lucense co obxectivo de favorecer a reflexión sobre o papel do turismo na sociedade actual.
O I Foro Turismo e Sostibilidade A Mariña Lucense celebrarase na Casa da Cultura do Valadouro e trátase dun evento participativo que nace coa vocación de acoller todos os puntos de vista dos axentes sociais implicados no sector turístico: o público, o privado e a propia cidadanía.
Expertos en turismo e sostibilidade de referencia internacional na xestión de territorios, destinos e empresas compartirán as súas experiencias e analizarán xunto cos participantes o alcance da sostibilidade no sector turístico e a contribución que este sector ten no eido económico, social e cultural.
O encontro, o primeiro destas características que se celebra na Mariña Lucense, busca favorecer a comunicación e intercambio de experiencias cos diferentes axentes do turismo na Mariña e coa poboación local, ao tempo que se analizan as tendencias a nivel global. Trátase, tal como se plantexa desde a Mancomunidade, dunha oportunidade para obter conclusións de cara á xestión sostible do turismo na comarca, achegando clave para abordar retos e desafíos de futuro.
Este foro está dirixido aos perfís de técnicos e profesionais do sector turístico da Mariña Lucense e doutros puntos do territorio galego, pero tamén á cidadanía en xeral, como axente activo no proceso de xerar un turismo máis respectuoso co territorio. Será sen dúbida un espazo enriquecedor para o intercambio de ideas e experiencias coas que avanzar cara un modelo de turismo máis sostible.
A iniciativa enmárcase no Plan de Sostibilidade Turística na Mariña Lucense, cofinanciado pola Mancomunidade da Mariña, a Axencia Turismo de Galicia e a Secretaría de Estado de Turismo, e que nos últimos anos vén avanzando na execución de diferentes proxectos que teñen como obxecto favorecer o desenvolvemento dun turismo máis integrador, respectuoso e de calidade no territorio.
PROGRAMA
9:00-9:15h: Recepción e acreditación de participantes
9:15-9:30h: Inauguración oficial
BLOQUE 1. É posible un turismo sostible?
9:30-10:05h: David Mora, director do Máster de Turismo Gastronómico do Basque Culinary Center.
BLOQUE 2. Perspectivas
10:15-10:50h: A perspectiva do territorio
Alfonso Bertrán, Arquitecto da Fundación RIA
11:00-11:35h: A perspectiva dos destinos turísticos
Nere Aritzoy. Mancomunidad de UrolaKosta (Gipuzkoa)
11:45-12:30h: Pausa café
12:30-13:05h: A perspectiva das empresas
Patricia Dueñas. Experta en sostibilidadee economía circular. Circle Economye Grupo Iberostar
13:05-14:15h: Mesa redonda
13:05-13:20h:É posible un turismo sostible?
Introdución a cargo de Iñaki Gaztelumendi. Consultor estratéxico no sector turístico e asesor de ONU Turismo
13:20-14:15h: Turismo sostible
Modera: Iñaki Gaztelumendi
Interveñen:
– David Mora, director do Máster de Turismo Gastronómico del Basque Culinary Center
– Alfonso Bertrán, arquitecto da Fundación RIA
– Patricia Dueñas, experta en sostibilidade e economía circular
– NereAritzoy, Mancomunidad UrolaKosta
– Ana Ermida, alcaldesa de Barreiros e vicepresidenta da Mancomunidade de Concellos da Mariña
– José Manuel Villapol, representante na Mesa de calidade no SICTED da Mariña e xerente do hotel rural Finca Goleta-Foz
– Pepe Peinó, coordinador do programa Mariña Marabillosa
– Carmen Cruzado, presidenta da Federación de Comercio A Mariña
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
