Ángeles Vázquez salienta que é unha das principais actuacións hidráulicas que están en execución na Mariña e estase a tramitar unha modificación do proxecto para garantir tamén a xestión dos residuos das foxas sépticas de Foz e da súa contorna
Foz, 29 de outubro de 2025. A Xunta puxo esta mañá en valor os avances na execución das obras da futura estación depuradora de augas residuais (EDAR) de Foz, unha infraestrutura clave para o concello lucense e para a comarca da Mariña e que unha vez estea en funcionamento permitirá dar servizo a case tres veces máis poboación da que se atende coa instalación actual.
Durante unha visita á zona onde se están a levar a cabo os traballos, a conselleira de Medio Ambiente e Cambio Climático, Ángeles Vázquez, explicou que nestes momentos a obra está executada xa nun 40% polo que se prevé que estea totalmente rematada o próximo ano.
Cun investimento total estimado en 14,2 millóns de euros —aportados integramente por Augas de Galicia e con cofinanciamento da UE a través do Fondo Europeo de Desenvolvemento Rexional (FEDER)—, a actuación ten como fin lograr unha mellora substancial do sistema de saneamento no municipio grazas á execución dun tanque de tormentas de 1.500 m3, dun sistema de impulsión de 3,4 quilómetros para levar as augas desde o mesmo ata a depuradora e da xa mencionada EDAR.
A nova estación de depuración estará dotada cun sistema de eliminación de nutrientes e de desinfección e a súa capacidade máxima, que lle permitirá atender unha poboación de 22.361 habitantes, garante que se poida dar cobertura a todo o termo municipal.
Neste sentido, a conselleira lembrou que este proxecto xurdiu como resposta ás dificultades e problemas detectados no funcionamento da depuradora que dá servizo actualmente a Foz, unha infraestrutura do ano 2006 e dimensionada para atender ás augas procedentes de 8.000 habitantes equivalentes polo que non garante a cobertura das necesidades actuais e futuras deste municipio lucense.
Acompañada do delegado territorial da Xunta en Lugo, Javier Arias, a responsable autonómica salientou ademais que o proxecto para a mellora do saneamento e a construción da nova EDAR en Foz é unha das principais actuacións hidráulicas que ten en marcha o seu departamento na comarca da Mariña.
Para que o seu alcance sexa aínda maior, Augas de Galicia está a tramitar nestes momentos unha modificación do proxecto inicial co fin de adaptar a futura depuradora para que poida xestionar tamén os residuos procedentes de foxas sépticas do concello e doutros puntos da contorna.
Máis de 46 M€ mobilizados na Mariña
A conselleira tamén explicou que tendo en conta as obras de próxima licitación, as que están actualmente en execución ou as que se remataron desde o ano 2024, o seu departamento ten mobilizados máis de 46 millóns de euros nos concellos da comarca lucense para conseguir dotala dun ciclo da auga moderno, eficiente e sustentable.
A modo de exemplo, Ángeles Vázquez referiuse á fase I das obras de mellora do sistema de saneamento de Burela, cun orzamento de 5 millóns de euros e actualmente en marcha; ao proxecto para optimizar o abastecemento a Ribadeo e Trabada, licitado por 7,5 millóns a comezos deste mes; ou ás melloras nas liñas de tratamento da EDAR de Viveiro (4,5 M€) e no saneamento de Celeiro (3,9 M€), ambas rematadas o ano pasado.
En canto aos orzamentos de 2026, a conselleira salientou que Augas de Galicia disporá de case 152 millóns de euros, un 5,49% máis que en 2025. Dese total, o organismo hidráulico dedicará 7 de cada 10 euros a abastecemento e saneamento —108,7 M€— e case a metade —73,6 M€—, especificamente a investimentos para mellorar ou construír infraestruturas hidráulicas que melloren a calidade de vida da poboación.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
