Os populares demandan mellorar a formación naútico-pesqueira adaptándoa ás necesidades do sector, axilizar o proceso de homologación de titulacións, asinar novos convenios con terceiros países, corrixir os criterios dispares que aplican as capitanías marítimas e excluír a ameaza de impoñer unha redución da xornada laboral que descoñeza as peculiaridades do sector
A Mariña lucense, 15 de outubro de 2025. O parlamentario lucense do Partido Popular, José Manuel Balseiro, trasladará no Senado cinco prioridades que o Goberno de España ten que afrontar para asegurar o relevo xeracional no sector pesqueiro. A moción será obxecto de debate hoxe na Comisión de Pesca da Cámara Alta prevista para as 11.00 horas.
A primeira das medidas ten que ver coa importancia de mellorar a formación naútico-pesqueira, adaptándoa ás necesidades do sector. Balseiro pide favorecer as posibilidades de obtención de novos títulos, mediante unha maior oferta de formación regrada e dual, de cursos online e aproveitando a estancia en terra para que os alumnos, xa tripulantes, poidan completar a súa formación e ver recoñecida as súas prácticas e experiencia laboral.
“Os profesionais do mar din que unha das maiores trabas que se atopan á hora de pensar no seu presente e futuro está na dificultade de atopar tripulantes, dispostos a enrolarse nunha embarcación, con especial dificultade cando se trata de cargos de mando, en ponte, pero tamén en máquina”.
A segunda das medidas ten que ver coa necesidade dunha maior axilidade na homologación de títulos, tanto daqueles procedentes de países cos que asinamos convenios internacionais, os cos que se poidan asinar no futuro, “en liña co que xa se está a facer por parte da Mariña Mercante” como, en terceiro lugar, coa axilización do sistema para o recoñecemento automático daqueles títulos emitidos en países procedentes da Unión Europea.
“Non é aceptable que moitos dos que aspiran a traballar nun barco pesqueiro non poidan facelo, non por falta de formación, senón por un trámite administrativo incompleto, que se dilata no tempo”.
En cuarto lugar, a moción dos populares insta ao Goberno de España a ditar as instrucións oportunas para a unificación, simplificación e axilidade da toma de decisións por parte das distintas Capitanías Marítimas porque “moitos profesionais se están atopando con criterios dispares sobre a aplicación da mesma norma”.
Finalmente, os populares instan ao Goberno a excluír calquera pretensión de reducir a xornada laboral ao sector do mar, aplicándolle medidas xeneralistas que descoñezan as súas peculiaridades. A ameaza persiste a pesar de que o Real Decreto que inicialmente pretendía aprobar o Goberno de PSOE e Sumar non acadou a maioría parlamentaria necesaria, porque “non se pode lexislar desde os despachos de Madrid, de costas á realidade do sector”.
“Basta con achegarse a calquera porto para observar que son demandas recorrentes dos profesionais da pesca fronte ás que fixeron oídos xordos desde o Ministerio”, conclúe Balseiro.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
