Os senadores José Manuel Barreiro, José Manuel Balseiro e Juan Serrano presentaron esta iniciativa dende a estación de Burela acompañados por alcaldes, portavoces e concelleiros da costa mariñá
Lugo, 31 de outubro de 2025. O PP lucense esixe ao Goberno de Sánchez presentar nun prazo máximo de 3 meses un Plan de actuación para mellorar a calidade do servizo ferroviario entre Ferrol e Ribadeo.
Os senadores pola provincia José Manuel Barreiro, José Manuel Balseiro e Juan Serrano presentaron esta iniciativa que defenderán xunto aos representantes de Ferrol no Senado na estación de Burela acompañados polo portavoz municipal, Manuel Rouco, alcaldes, portavoces e concelleiros dos municipios da comarca.
“Ante o desmantelamento do FEVE por parte do Goberno de Pedro Sánchez, dende o Partido Popular defenderemos este servizo de mobilidade que podería converterse nun tren de cercanías se recibise un mínimo de investimento e compromiso”, manifestou Balseiro. O Plan proposto polos populares recolle a corrección das avarías e incidencias, a modernización do material rodante e da liña e o incremento das frecuencias para atender a demanda e mellorar a mobilidade entre Ribadeo e Ferrol.
DESMANTELAMENTO DA LIÑA E DISCRIMINACIÓN A GALICIA
O senador mariñán José Manuel Balseiro explicou que “nos últimos 7 anos de Goberno de Sánchez comprobamos a falta de interese ou, incluso, o maltrato á antiga liña de FEVE” o que demostra “que o Executivo de Pedro Sánchez ten a intención de desmantelar a liña da Mariña lucense”.
A realidade é que se incrementan as queixas por avarías ou por atrasos derivados da obsolescencia do material rodante e de modernización da propia rede ou por problemas para obter os billetes ou as denuncias dos traballadores porque cada vez son menos, non se cobren as vacantes e incluso non teñen pezas para facer reparacións. Deste xeito, “o número de usuarios desplómase”.
“O deterioro do servizo é consecuencia dos incumprimentos do Goberno de Sánchez” que aínda non materializou os compromisos adquiridos por Renfe no 2018, cun Goberno do Partido Popular pouco antes da chegada de Sánchez ao Goberno, para executar un plan de mellora da calidade do servizo ferroviario entre Ferrol e Ribadeo.
Balseiro lembrou, ademais, que “tras o disparatado episodio dos trens que non collían polos túneles, o Goberno de Sánchez favoreceu que en Asturias e Cantabria os usuarios da liña puideran viaxar gratis para compensar esa desfeita da señora Pardo de Vera. Pero os galegos e mariñáns tíñamos que pagar: un claro exemplo máis de discriminación a Galicia”.
Os senadores “preguntabamos cando van estar operativos os novos trens que tiñan que estar no 2024, pero non nos deron ningunha data”, engade. E en resposta a outra pregunta sobre a electrificación da liña, “tampouco foron capaces de poñer data”. Incluso, “tratan de vender como investimentos actuacións de mantemento que xa están obrigados a facer”.
AGRAVIO COMPARATIVO
Tamén fixo referencia ao “agravio comparativo coa Mariña” por parte do Goberno de Sánchez: “Esta é a única liña de FEVE, xunto á de Murcia, que non está electrificada. A diferencia é que FEVE en Murcia dispón dun tren de cercanías cada 40 minutos. Aquí só hai dúas frecuencias pola mañá e dúas pola tarde”.
Balseiro apuntou que no ano 2017 os alcaldes e portavoces das comarcas de Ferrolterra, Ortegal e A Mariña dicían, a través dunha plataforma, que o Goberno desmantelaba a liña. Daquela dispoñía de catro frecuencias polas mañás e outras catro pola tarde. Agora, no ano 2025, a metade”.
Os populares incidiron en que “esixiremos que o Goberno de Sánchez actúe e non deixe morrer o tren de vía estreita por esquecemento. Do contrario, se renuncia á súa mellora, confirmará que o seu obxectivo é desmantelar o FEVE”, conclúe o senador mariñán.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
