José Tomé Roca e Cándido Paleo Rejes formalizaron no Pazo de San Marcos o convenio de colaboración polo cal a Deputación de Lugo financiará un total de 18 actuacións na rede viaria para arranxar 11,2 quilómetros de estradas neste concello da Mariña
Lugo, 11 de outubro de 2025. O Presidente da Deputación de Lugo, José Tomé Roca, e o Tenente de Alcaldesa de Alfoz, Cándido Paleo Rejes, veñen de formalizar no Pazo de San Marcos un convenio de colaboración polo cal a institución provincial financiará con 250.000€ 18 actuacións na rede viaria deste concello. No acto da sinatura, que se celebrou na Sala de Xuntas, estivo tamén presente a Rexedora alfocense, Efigenia Maseda Paz.
“Somos o Concello dos concellos, esa é a idea que vertebra toda a nosa acción de Goberno. Demostrámolo con feitos como este acordo, que permitirá que Alfoz mellore significativamente a conectividade en 8 das 9 parroquias deste municipio”, valorou o Presidente. Este convenio servirá para o arranxo dun total de 11,2 quilómetros de estradas neste concello da Mariña.
Concretamente e mediante este acordo, Alfoz poderá mellorar:
Na parroquia de Carballido, 749 metros no entorno do circuíto de motocrós; o acceso ao lugar da Agüeira (510 metros); e a comunicación coa parroquia de Adelán mediante o arranxo de 1,16 quilómetros de vía.
Nesa parroquia de Adelán actuarase en 2,13 km do camiño das Anduriñas.
Entre a parroquia Mor e Reirado, mellorarase o camiño que vai desde a estrada provincial LU-P-0207 ao Liñar (477 metros); e tamén un camiño no Penido.
Na parroquia de Bacoi acondicionaranse 331 metros dun camiño no Gorvidal.
Na de Lagoa, un en Lavanco (477 metros) e outro en Lameiro (134 metros).
Na parroquia das Oiras melloraranse 264 metros en Insua Nova e outros 250 metros doutro camiño na Trabada.
E finalmente, no Pereiro levaranse a cabo 6 actuacións para acondicionar un camiño no Rubeiro (187 metros); outro na Pesquita (648 metros); o que vai desde a LU-P-6306 a Faián (975 metros); e a Ferradás (636 metros); outro no Celeirote (487) e o último en Celeiro Vello (765 metros).
Os traballos consistirán na limpeza das cunetas e a mellora do firme. Nalgúns casos abrirase a caixa da estrada, naquelas vías con maior desgaste; noutros casos acometerase un rasanteo e compactado con base de zahorra; ou bacheo, segundo as necesidades de cada treito.
Explicou o Presidente que a maquinaria agrícola, as condicións climáticas e o paso do tempo “desgasta as vías no rural da provincia e moitas veces os concellos pequenos non contan co orzamento suficiente para poder acometer estas actuacións. Por iso é importante esta colaboración, máis alá do económico, para mellorar a vida dos veciños e veciñas deste concello”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
