Viveiro, 1 de outubro, 2025. Veciños e veciñas de Viveiro concentraranse este xoves na Praza Maior, diante do Concello de Viveiro en protesta “pola precaria situación na que sigue o Centro de Saúde, mermado de facultativos e profesionais”. A Plataforma en Defensa da Sanidade Pública da Mariña, que xunto con diversos colectivos de Viveiro, convocan este acto reivindicativo nesta nova localización anuncian que marcha a bon ritmo a recollida de sinaturas para trasladarlle ao Conselleiro de Sanidade a situación da Atención Primaria en Viveiro e este xoves seguirán ampliando esa recollida.
Así mesmo distribuirán dípticos “coas mentiras do PP, coa correspondente actualización, pois a mentiras seguen a aumentar, xa que en pleno verao afirmaron que a atención sanitaria estaba garantida o que foi rotundamente falso”.
“O actual equipo de goberno deu as costas ao pobo de Viveiro”
“Diante do problema sanitario de primeira orde que sufre Viveiro e os centros de saúde das localidades veciñas, o novo goberno do PP de Viveiro decidiu desde o primeiro momento dar as costas ás veciñas e veciños que encheron as rúas da vila nunha manifestación multitudinaria no mes de marzo, así como nas posteriores concentracións que se levan realizando desde hai meses diante do centro sanitario da vila”.
O cambio de localización das concentración responde a varios motivos
Segundo explican Samuel Bouza e Montse Porteiro, os motivos para este cambio de localización da concentración , trasladándose desde o centro de saúde ata a Praza do Concello céntranse “en levar as mobilizacións aos lugares onde se desenvolve a vida e a actividade das vilas máis tamén responde a esixencia que o pobo de Viveiro fai aos seus gobernantes máis próximos para que se unan á demanda de cobertura total de profesionais no centro de saúde e demostren con feitos que están do lado das veciñas e veciños”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
