Foz, 13 de novembro de 2025. Este venres, día 14, en Foz a programación céntrase nas rapazas e rapaces. “Actividades para incentivar o uso do galego e a eliminación de bulos, tentan aportar novas ideas e aclarar temas de actualidade”, anuncia a concelleira de Cultura, Inés López Couto.
A Delegación de Cultura organiza para este venres ás 12 da mañá na Sala Bahía unha sesión escolar a cargo do actor Avelino González: “o tema desta representación, de nome GPA. Galego para abrir mundos, é un titorial sobre como usar a nosa lingua, un tratado sobre filoloxía emotiva, unha forma de achegarnos á fala coa que nacemos. Esta obra ademais terá a súa segunda representación ás 20.30 horas na mesma ubicación, dentro do outono cultural, cun prezo de 5 euros. O mesmo venres a Rede Local de Saúde organiza unha charla para a eliminación de bulos entre a xente nova. Será en dúas sesións: pola mañá no IES de Foz e pola tarde, ás 20.00 horas, na Casa da Cultura”.
Ademais esta fin de semana haberá teatro para os máis pequenos. O domingo 16 na Sala Bahía ás 12.00 horas a compañía Naufragos porá en escena Bulebule, un espectáculo para nenos a partir de 4 anos no que se trata o tema do TDAH. “Bulebule é unha fermosa obra onde se pon o foco sobre as dificultades das mulleres para chegar a postos de responsabilidade nalgunhas profesións. É unha obra sobre igualdade e forza de vontade”, explica a concelleira de Cultura. O prezo da entrada é de 3 euros para adultos e 2 para os nenos.
Tamén esta fin de semana rematan as proxeccións das obras finalistas dos premios Mestre Mateo. O sábado 15 na Casa da Cultura ás 20.30 horas será a quenda da película Xustiza artificial, para finalizar o domingo 16 ás 18.30 horas co documental Salvaxe, salvaxe.
E na parroquia de San Acisclo o sábado e domingo celebran ás súas festas patronais. Haberá música a noite do sábado co dúo Stylo e o domingo en sesión vermú prolongada co dúo Estrellas.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
