Ameijide rebate a Tomé: “Tan só un dos 67 concellos das provincia ten as estradas en bo estado, xustamente o que goberna José Tomé, unha mostra máis da súa falta de solidariedade, de igualdade e sectarismo”
Lugo, 27 de novembro de 2025. O voceiro provincial popular, Antonio Ameijide, afea a José Tomé que presuma “do maior investimento na historia” da rede viaria provincial, a pesar de que “os números e os feitos confirman que minte”.
Antonio Ameijide recorda a José Tomé que “o maior investimento na rede viaria provincial foi dun goberno do PP, que foi que creo a rede viaria que vertebra toda a provincia”, así como que “os constantes accidentes que seguen a producirse polo nulo mantemento que se realiza na rede, provocan que se sigan a resolver reclamacións por responsabilidade patrimonial”.
O estado da rede viaria provincial “é moi perigoso” en 66 dos 67 concellos da provincia debido a que “José Tomé só se preocupa de coidar as carreteras da Deputación que percorren o municipio do que é alcalde”, algo que se confirma en que PSOE e BNG seguen a resolver reclamacións por responsabilidade patrimonial polos danos ocasionados a vehículos nas vías da Deputación.
O 11 decembro de 2023, na LU-P-1611, á altura do punto quilométrico 13.950, un vehículo sufriu un impacto que provocou danos na lamia dianteira esquerda, así como no pneumático e no amortiguador, todo ao pasar por unha fochanca de gran profundidade na calzada.
A estrada LU-P-1706 foi protagonista de dous accidentes. O 3 novembro de 2024, no punto quilométrico 6, un vehículo sufriu danos en dous dos seus pneumáticos e nas lamias debido a unha fochanca na calzada; así como o 2 de xuño de 2025, en Mos (Castro de Rei), no punto quilométrico 6.725, outra fochanca de grandes dimensións provocou danos noutro vehículo.
O 19 maio 2024, na LU-P-3201, no punto quilométrico 1.2, tivo lugar o sinistro dun vehículo debido ás fochancas existentes na calzada.
Antonio Ameijide explica que “estas novas reclamacións seguen a darnos a razón e a amosar como PSOE e BNG en lugar de manter a rede viaria provincial en boas condicións, o único que fan é mentir ao negar esta realidade, xa que a rede viaria provincial é perigosa, algo que queda patente a través dos accidentes que se producen case a diaria derivados das fochancas e as eivas que hai na calzada”.
“De nada serven os anuncios e os plans que presenta José Tomé, nada máis que para que teña unha foto nova, porque a realidade é que as estradas están nun estado moi malo de conservación en 66 dos 67 concellos da provincia”, sentenciou.
Neste senso, Antonio Ameijide explica que no que vai de ano xa se resolveron en torno a 50 reclamacións por responsabilidade patrimonial derivadas de danos producidos en vehículos polo mal estado da rede viaria provincial.
Todas estas reclamacións amosan tamén como hai numerosos puntos nos que se repiten os accidentes sen que PSOE e BNG se preocupen por poñer unha solución porque a realidade é que “as fochancas aumentan de tamaño facendo aínda máis perigosas as estradas provinciais que levan anos sen manterse”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
