O Partido Popular vilalbés insiste en demandar o debido mantemento de tódalas instalacións municipais, tanto as deportivas coma as culturais, esquecidas polo bipartito nos últimos anos
Vilalba, 27 de novembro de 2025. O Grupo Municipal do Partido Popular de Vilalba esixirá no Pleno deste xoves a comparecencia da concelleira responsable da área de Deportes para dar explicacións ante o estado deplorable das instalacións deportivas municipais e as solucións que pretende adoptar o goberno de PSOE – Vilalba Aberta ante a falta de mantemento.
Os populares consideran “urxente” tomar medidas para evitar que se repitan situacións coma as acontecidas a pasada fin de semana polo mal estado das instalacións da Madalena: unha parada nun encontro oficial porque as liñas do terreo de xogo non estaban pintadas correctamente e nenos obrigados a ducharse en auga fría pola falta de previsión e mantemento das caldeiras do campo artificial.
“É inadmisible que un encontro oficial teña que deterse e que os nenos non dispoñan de auga quente porque o Concello non cumpre coa súa obriga de manter as instalacións”, subliñan.
Os populares cren que “esta incidencia pon de manifesto a deficiente coordinación e xestión por parte do goberno local e evidencia unha clara deixadez na xestión do mantemento e conservación das instalacións deportivas”.
O Partido Popular vilalbés insiste en demandar o debido mantemento de tódalas instalacións municipais tanto as deportivas coma as culturais para estar á altura do que merecen clubs, deportistas, asociacións e familias de Vilalba.
Os concelleiros do PP apuntan que “nos últimos anos os representantes municipais esquecéronse por completo do mantemento diario das instalacións municipais”.
Un exemplo é a amortización, no último orzamento, da praza de persoal que realizaba as labores de mantemento e acondicionamento mentres “pagan case o dobre (50.000€) a unha empresa externalizando o servizo sen que os responsables políticos controlen se se realizan ben os traballos”. Nese sentido, lembran que “non é a primeira vez que teñen este problema”.
E outro exemplo claro é que “nos últimos 4 anos, o goberno bipartito non dirixiu ningún recurso económico para o mantemento do auditorio municipal, o buque insignia da cultura vilalbesa”, conclúen.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
