O Vicedo, 26 de novembro, 2025. O Teatro das Cortes despedirá a programación da temporada 2025 o vindeiro sábado 29, cunha tarde repleta de propostas culturais pensadas para todos os públicos.
A xornada abrirase coa xa tradicional Ofrenda Teatreira ao Porco de Pedra dos Andrade, un encontro no que a veciñanza se achega ao emblemático porco da parroquia para compartir inquedanzas, pedir consello ou simplemente reflexionar sobre os tempos que corren.
Este ano, un grupo de actrices e actores que colaboran habitualmente co Teatro das Cortes representará O Porco máis Vello, unha comedia breve de creación colectiva. A peza xira arredor dun enigma: descubrir cal é o porco máis antigo das tres igrexas mandadas construír polos Andrade —a de Cabanas, a de Riobarba e a de San Pantaleón.
A continuación, chegarán dous convidados moi especiais. En primeiro lugar, o escritor, guionista e presentador X. H. Rivadulla Corcón, que falará, entre outros temas, dun personaxe creado por el para un dos espectáculos escritos e dirixidos na compañía Volta e Dálle: “O porco Vladimir”.
Despois será a quenda do contacontos Anxo Moure, que viaxa dende Carballolandia para presentar o seu espectáculo Pés de Lobo.
A tarde culminará cun concerto de luxo a cargo de Erikas e Peluxias, acompañadas por Ugía Pedreira. O grupo forma parte dun colectivo feminino que busca tender pontes entre A Mariña e o Occidente asturiano. Guiadas por Pedreira, interpretan e transforman cancións populares acompañadas de percusión variada —desde pandeiretas ata instrumentos de fortuna—, sempre coa intención de crear conexións sociais a través da música.
Programa
• 18:00 h – III Ofrenda e diálogos teatreiros co Porco de Pedra dos Andrade
• 19:00 h – Actuación de X. H. Rivadulla Corcón: O porco máis vello e outras historias
• 19:00 h – Actuación de Anxo Moure: Pés de Lobo
• 20:30 h – Concerto de Erikas e Peluxias con Ugía Pedreira
As actividades están organizadas pola A.C. Volta e Dálle e contan co apoio da Área de Cultura da Deputación de Lugo e do Concello do Vicedo.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
