As dúas iniciativas impulsadas pola Biblioteca Pública Municipal recollen postais e poemas ata mediados de decembro
Burela, 10 de novembro de 2025. A Biblioteca Pública Municipal de Burela convoca dúas actividades con motivo das festas do Nadal: o Concurso de Postais “Nadal 2025” e o Certame de Poesía Infantil “Nadal 2025” na súa fase local.
Trátase de dúas propostas diferentes, dirixidas á infancia e á mocidade do municipio, que segundo explicou a concelleira de Cultura, Lina Gómez, “teñen como obxectivo promover a expresión artística e literaria, así como a participación activa no ámbito cultural do Nadal burelés”.
No caso do Concurso de Postais “Nadal 2025”, poderán participar todos os nenos e nenas do Concello en idade escolar. O tema das postais será o Nadal, con técnica libre e un tamaño aproximado de 15×21 centímetros pechada e 30×21 centímetros aberta, en cartolina. Finalmente, entregaranse tres premios por cada categoría: Educación Infantil, 1º e 2º de primaria, 3º e 4º de primaria, 5º e 6º de primaria.
Os traballos deberán presentarse na Biblioteca Municipal sen asinar e acompañados dun sobre pechado no que figuren os datos do autor ou autora, teléfono, colexio, curso e idade ata o venres 12 de decembro ás 20:00 horas. As postais serán expostas ao público na Sala de Arte da Casa da Cultura dende o venres 26 de decembro de 2025 ata o venres 30 de xaneiro de 2026.
Pola súa banda, o Certame de Poesía Infantil “Nadal 2025” na súa fase local está dirixido a cativada e mocidade ata os dezaseis anos, establecéndose tres categorías por idades: ata oito anos, de nove a once e de doce a dezaseis.
O tema dos poemas será tamén o Nadal e deberán presentarse redactados en galego, cunha extensión máxima dun folio por unha soa cara, escritos a computador ou a man, sempre en bolígrafo.
Cada participante poderá presentar cantos traballos desexe, acompañados dunha folla de datos identificativos que non debe incluírse no propio poema. O prazo de entrega rematará o 19 de decembro de 2025, debendo realizarse a entrega na Biblioteca Pública Municipal e será un xurado composto por persoas entendidas na materia quen seleccionará os traballos gañadores de cada categoría. Os autores premiados recibirán un diploma acreditativo e un lote de libros, e o fallo do xurado farase público no mes de xaneiro de 2026.
Ademais, ditos traballos premiados nesta fase local participarán na fase provincial do certame, convocada pola Biblioteca Pública de Lugo co patrocinio da Consellería de Cultura, Lingua e Xuventude da Xunta de Galicia. Os textos galardoados pasarán a ser propiedade da Biblioteca Pública de Lugo, que se reserva o dereito de publicación e incluirá os poemas premiados nun libriño conmemorativo anual.
A concelleira de Cultura, Lina Gómez, destacou que “estas convocatorias manteñen o compromiso do Concello de Burela coa promoción da lectura, da escrita e das expresións artísticas entre a rapazada”. Tamén engadiu que “de igual xeito, facilitan que poidan compartir o seu traballo con outras persoas da comunidade, fomentando o interese pola literatura e as artes desde idades temperás”.
Para máis información sobre ambas convocatorias, as persoas interesadas poden preguntar na Biblioteca Pública Municipal de Burela, mentres que as bases poden consultarse na web do Concello de Burela.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
